Ҳиндистоннинг шимоли-шарқида қонли ҳодиса содир бўлди: Деҳли томон ҳаракатланаётган поезд филлар галаси билан тўқнашди. Оқибатда еттита фил ҳалок бўлиб, яна бири оғир жароҳат олди.
Маълум қилинишича, воқеа 20 декабрь куни Ассам штатидаги Хожаи тумани ҳудудида рўй берган. Ушбу жой филлар учун махсус йўлак ҳисобланмаган. Поезд машинисти ҳайвонларни пайқаши билан фавқулодда тормозни ишга туширган, аммо қўрққан филлар поезд томон югуриб чиққан.
Кучли тўқнашув натижасида поезднинг бешта вагони рельсдан чиқиб кетган. Яхшиямки, поезддаги йўловчилар орасида жабрланганлар йўқ. Бироқ ҳайвонлар орасида йўқотиш катта бўлгани қайд этилди.
Ҳодисадан сўнг мазкур темирйўл йўналишида қатнов вақтинча чекланиб, поездлар айланма йўллар орқали ҳаракатлантирилмоқда.
Қисқаси, инсон фаолияти ва ёввойи табиат ўртасидаги тўқнашув яна бир бор фожеа билан якунланди. Бу каби ҳудудларда хавфсизлик чораларини кучайтириш масаласи яна кун тартибига чиқди.
Меҳмон гуруҳидаги фойдаланувчилар ушбу мақолага изоҳ қолдира олмайди.
