Украина Мудофаа вазирлиги маълум қилишича, Германиядан яна икки дона Патриот ҳаво ҳужумидан мудофаа тизими мамлакат шаҳарларини ҳимоялашга қўшилди. Бу етказиб бериш Германия ҳукумати билан эришилган келишувлар асосида амалга оширилган.
Патриот тизими АҚШда ишлаб чиқилган ва дунёдаги энг замонавий ҳаво мудофаа тизимларидан бири ҳисобланади. У самолётлар ва қанотли ракеталарни йўқ қилишга мўлжалланган бўлиб, юқори тезликда ҳаракатланувчи ва мураккаб нишонларни уриб тушира олади.
Тизим стратегик объектлар ва йирик шаҳарлар учун кўп қатламли ҳимояни таъминлайди. Ҳаво нишонларини 24 км баландликда ва 160 км масофагача йўқ қила олади, шунингдек, катта ҳудудларни ҳимоя қилади.
Мудофаа вазирлиги хабарига кўра, ҳозирда Патриот тизимлари Украина шаҳарларини ва муҳим инфратузилмани душман ҳужумларидан ҳимоя қилмоқда. Бу тизимлар қанотли ракета зарбаларидан келаётган талафотларни камайтиришда муҳим рол ўйнамоқда.
Меҳмон гуруҳидаги фойдаланувчилар ушбу мақолага изоҳ қолдира олмайди.
