Чилининг марказий ва жанубий ҳудудларида юз берган ўрмон ёнғинлари оқибатида камида 19 киши ҳалок бўлди. Ёнғинлар кучли иссиқ ва шамол сабаб тез тарқалмоқда. Расмийлар хавфли ҳудудлардаги аҳолини эвакуация қилмоқда.
Мамлакат бўйлаб 23 та фаол ёнғин қайд этилган. Энг йирик ёнғинлар Нубле ва Био-Био ҳудудларида кузатилмоқда. Ушбу ҳудудларда фавқулодда ҳолат эълон қилинган. Айрим ёнғинлар аҳоли яшайдиган жойларга яқинлашган.
Расмий маълумотларга кўра, ҳозиргача 20 минг гектардан ортиқ ҳудуд ёниб кетган. Концепцион шаҳри яқинидаги ёнғин энг катта ҳисобланади. Бир неча шаҳарчаларда уйлар зарар кўрган.
Мутахассислар ҳаво ҳарорати юқори бўлиши кутилаётганини билдирган. Ёнғинлар сабабли янги хавфлар пайдо бўлиши мумкин. Аҳолидан эҳтиёт чораларига амал қилиш сўралган.
“Zamin”ни Telegram'да ўқинг!
