Украина Олий Радасида никоҳ ёшига оид нормаларни аниқлаштирувчи янги қонунчилик ташаббуси кун тартибига чиқди. Ҳужжатга кўра, мамлакатда никоҳнинг умумий минимал ёши 18 ёш бўлиб қолиши кўзда тутилган, бироқ айрим истисно ҳолатлар учун 14 ёшдан никоҳга рухсат бериш масаласи муҳокамага қўйилмоқда.
Лойиҳадаги таклифга кўра, 14 ёшда никоҳ фақат суд қарори билан ва фақат ҳомиладорлик ёки бола туғилиши каби ҳолатларда қўлланиши мумкин. Яъни бу “ҳаммага очиқ” қоида эмас — ҳар бир ҳолат алоҳида кўриб чиқилади.
Шу билан бирга, амалда Украинада мавжуд бўлган 16 ёшдан суд орқали никоҳга рухсат бериш амалиёти ҳам сақлаб қолиниши режалаштирилмоқда.
Айни пайтда ташаббус ҳали дастлабки босқичда: у қўмита муҳокамаларидан ўтиши, сўнг парламентда кўриб чиқилиши керак. Жамоатчиликда эса фикрлар иккига бўлинган — кимдир буни айрим вазиятларда ҳуқуқий ҳимоя, дейди, бошқалар эса эрта никоҳлар хавфи ошишини таъкидламоқда.
“Zamin”ни Telegram'да ўқинг!
