Трамп Эрондаги уруш тез орада тугашини эълон қилди
АҚШ президенти Доналд Трамп Эронга қарши ҳарбий операциялар тез орада якунланиши мумкинлигини маълум қилди. Унинг таъкидлашича, асосий мақсад Эроннинг ядровий қуролга эга бўлишининг олдини олишдан иборат. Гарчи АҚШ ва Эрон вакиллари ўртасида айрим келишувлар бўлган бўлса-да, ядровий дастур масаласи ҳали очиқ қолмоқда. Яқин кунларда томонлар музокараларнинг янги босқичига ўтиши кутилмоқда.
АҚШ президенти Доналд Трамп Эрон билан боғлиқ ҳарбий операциялар яқин орада якунланиши мумкинлигини маълум қилди. У журналистлар билан суҳбатда можаро тез суръатларда ривожланаётганини таъкидлаб, “Биз истаган натижага эришишимиз мумкин. Бу тез орада тугаши керак”, дея фикр билдирди.
Трампнинг айтишича, Эронга қарши олиб борилаётган ҳарбий кампания мажбурий чоралар доирасида амалга оширилмоқда. У бу жараённи “кичик сафар” деб атаб, АҚШнинг асосий мақсади Эроннинг ядровий қуролга эга бўлишининг олдини олиш эканини қайд этди.
Аввалроқ 12 апрель куни Исломободда АҚШ ва Эрон вакиллари ўртасида музокаралар ўтказилгани, унда айрим масалаларда келишувга эришилган бўлса-да, ядровий дастур ва Ҳормуз бўғози масалалари очиқ қолаётгани маълум қилинган эди. Томонлар яқин кунларда музокараларнинг янги босқичи бошланиши мумкинлигини билдирмоқда.
Изоҳлар 0
…