АҚШда Нью-Йорк федерал суди марҳум молиячи Жеффри Эпштейнга тегишли экани айтилган мактубни жамоатчиликка ошкор қилди.
Ҳужжатда “Хайрлашиш вақтини инсоннинг ўзи танлаши ёқимли”, мазмунидаги жумлалар келтирилгани айтилмоқда.
Маълум қилинишича, қўлёзма мактубни Эпштейннинг собиқ камерадоши — қотилликда айбланган собиқ полиция ходими Николас Тартальоне топган.
Судья Кеннет Карас ушбу ҳужжатни очиқ суд материаллари қаторига киритишга қарор қилган.
Суд қарорида мактубни махфий сақлаш учун етарли ҳуқуқий асос мавжуд эмаслиги таъкидланган.
Шу билан бирга, суд ҳужжатнинг ҳақиқийлиги юзасидан якуний хулоса чиқармаган.
Мактубда Эпштейн тергов жараёнлари давомида ўзига қарши аниқ далиллар топилмаганини ёзгани қайд этилган. Унинг айрим кескин ва ҳиссий фикрлари эса жамоатчиликда яна муҳокамаларга сабаб бўлмоқда.
Шунингдек, журналистлар Эпштейннинг шахсий оролида қурилган ғайриоддий “масжид” лойиҳаси ҳақида ҳам янги маълумотларни эълон қилган.
Маълумотларга кўра, бинода Каъба кисваси, Ўзбекистондан олиб келинган кошинлар ҳамда Сурия меъморчилиги услубларидан фойдаланилган.
“Zamin”ни Telegram'да ўқинг!
