Буюк Британияда хантавирус инфекциясининг яна бир ҳолати расман тасдиқланди. Британия Соғлиқни сақлашни ҳимоя қилиш агентлиги маълумотларига кўра, MV Hondius круиз кемасида бўлган Британия фуқаролари орасида учинчи бемор аниқланган. Шунингдек, Тристан-да-Кунья оролида яна бир гумонли ҳолат текширилмоқда.
Маълум қилинишича, MV Hondius кемаси яқин кунларда Тенерифега етиб келиши кутилмоқда. Британия расмийлари ҳозирда кемада бўлган фуқароларни диққат билан кузатиб бормоқда. Агентликка кўра, ҳозирча уларда касаллик белгилари кузатилмаган.
Аввалроқ Жаҳон соғлиқни сақлаш ташкилоти ушбу кемада хантавирус инфекциясининг еттита ҳолати аниқланганини маълум қилган эди. Вирус оқибатида уч киши ҳаётдан кўз юмган, яна бир бемор Жанубий Африкада реанимацияда қолмоқда. Икки нафарга эса шошилинч тиббий эвакуация зарурлиги айтилган.
“Zamin”ни Telegram'да ўқинг!
