Хантавирус билан боғлиқ ҳолатлар кенгайиб бормоқда: АҚШ ва Францияда аниқланди
АҚШ ва Франсияда хантавирус билан боғлиқ янги ҳолатлар қайд этилиб, вирус тарқалган МВ Ҳондиус круиз кемаси атрофидаги вазият халқаро миқёсда жиддий назоратга олинмоқда. АҚШда мазкур кемада бўлган 17 нафар америкаликдан бирининг тести мусбат чиқиб, яна бир йўловчида енгил аломатлар кузатилгани учун икки нафар фуқаро махсус изоляция шароитида самолёт орқали эвакуация қилинди.
Хантавирус билан боғлиқ янги ҳолатлар АҚШ ва Францияда ҳам қайд этилди. Вирус тарқалган MV Hondius круиз кемаси атрофидаги вазият халқаро миқёсда жиддий назоратга олинмоқда.
АҚШда мазкур кемада бўлган 17 нафар америкаликдан бирида хантавирус тести мусбат чиққан. Яна бир йўловчида енгил касаллик аломатлари кузатилгани маълум қилинди. АҚШ Соғлиқни сақлаш вазирлиги маълумотига кўра, икки нафар фуқаро махсус изоляция шароитида самолёт орқали ташилган.
Эвакуация қилинган барча йўловчилар махсус юқумли касалликлар марказига жойлаштирилиши айтилмоқда. Мутахассислар уларнинг саломатлигини доимий назорат остига олган.
Францияда ҳам круиз кемасида бўлган аёлдан вирус аниқланган. BFMTV тарқатган маълумотга кўра, мамлакат соғлиқни сақлаш вазири Стефани Рист ушбу ҳолатни тасдиқлаган. Бемор юқумли касалликлар шифохонасига ётқизилган бўлиб, у билан мулоқотда бўлган 22 киши кузатувга олинган.
Аввалроқ Испанияда ҳам MV Hondius кемасидан 94 киши эвакуация қилинган эди. Охирги маълумотларга кўра, ҳозиргача саккиз нафарда хантавирус тасдиқланган. Уч киши вафот этган, яна бир бемор эса Йоханнесбургдаги шифохонада оғир аҳволда қолмоқда.
Изоҳлар 0
…