Футбол тўпини бошида ушлаб, 17 та футболка кийган эркак Гиннес рекордини ўрнатди

Косоволик Ажим Агуши ғайриоддий маҳорати билан янги жаҳон рекордини ўрнатди. У футбол тўпини бошида узлуксиз назорат қилиб турган ҳолда кетма-кет 17 та футболка кийишга муваффақ бўлди.

56 ёшли Агуши бу натижа билан ўзининг аввалги 14 та футболкадан иборат рекордини янгилади. Унинг айтишича, 17 рақами Косовонинг 17 февраль — Мустақиллик кунига бағишланган.

Агуши бундан ташқари, футбол тўпини бошида назорат қилиш билан боғлиқ яна бир нечта жаҳон рекордларига эга.