Музқаймоқ таъмли банан: кўк рангли ноёб мева ҳақида ажойиб маълумот!

Оддий банандан фарқли ўлароқ, Блуэ Жава Банана ўзининг кумушранг-кўк пўстлоғи ва ғайриоддий таъми билан эътибор тортади. Энг қизиғи, бу меванинг таъми кўпчиликка ванилли музқаймоқни эслатади. Шу сабабли у “Музқаймоқ банан” номи билан ҳам машҳур.

Blue Java Banana — Муса аcумината ва Муса балбисиана турларининг гибриди. Пишмаган пайтида пўстлоғи ўзига хос кумушранг-кўк тусга эга бўлади.

Мева пишиб етилгач эса унинг ранги аста-секин сарғаяди.

Бу бананнинг энг катта қизиқиши фақат ташқи кўринишида эмас. Унинг ичи оддий бананга қараганда юмшоқроқ ва кремлироқ бўлади.

Енгил ваниль аромати ва ширин таъми сабаб кўпчилик уни музқаймоққа ўхшатади.

Шу хусусияти туфайли Blue Java Banana айниқса сут маҳсулотларини истеъмол қилмайдиганлар орасида қизиқиш уйғотган. Blue Java Banana тропик ҳудудларда, жумладан Гавайи, Филиппин, Фижи ва Марказий Американинг айрим минтақаларида етиштирилади.

У бошқа банан навларига қараганда совуққа чидамлироқ бўлиб, турли иқлим шароитларига мослаша олиши билан ҳам ажралиб туради.