Прагада икки поезд тўқнашди, 46 киши шифохонага ётқизилди

1 дақиқа ўқиш15
Прагада икки поезд тўқнашди, 46 киши шифохонага ётқизилди

Чехия пойтахти Прагада икки поезднинг юзма-юз тўқнашиши оқибатида 46 киши турли даражада жароҳат олди. Улар орасида 16 нафар хорижий фуқаро ҳам бор. Икки поезд машинисти оғир жароҳатланган. Ҳозирча ҳалокат оқибатида ҳалок бўлганлар ҳақида маълумот берилмаган.

Ҳодиса эрталабки тирбанд вақтда, маҳаллий соат билан тахминан 07:00 да содир бўлган. Поездлар пойтахт марказидаги бош темирйўл вокзали яқинида жойлашган кўприк устида тўқнашган. Ҳокимият вакиллари таркиблар шаҳар ҳудудида нисбатан паст тезликда ҳаракатланганини билдирган.

Чехия транспорт вазири Иван Беднаржик маҳаллий оммавий ахборот воситаларига берган изоҳида ҳодисанинг аниқ сабаби ҳали маълум эмаслигини айтган. Унинг сўзларига кўра, ҳалокатга техник носозлик ёки инсон омили сабаб бўлгани ҳақида ҳозирча хулоса қилиш эрта. Бироқ дастлабки маълумотлардан бири поездлардан бири тақиқловчи светофор ишорасига қарамай ҳаракатланганини кўрсатмоқда.

Вазир воқеа тафсилотларини синчиклаб ўрганиш ва темирйўл транспорти хавфсизлигини янада ошириш учун зарур чораларни кўриш мақсад қилинганини билдирган.

Қутқарув хизматлари поездларда бўлган барча йўловчиларни эвакуация қилиш учун қарийб икки соат вақт сарфлаган. Ҳодиса жойидан олинган суратларда қутқарувчилар жароҳатланганларни замбилларда олиб чиққани акс этган.

Прага полиция бошқармаси маълум қилишича, қутқарув операцияси якунланган. Ҳозирда поездлар тўқнашувига олиб келган ҳолатларни аниқлаш бўйича тергов бошланган.

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?