Ота боласининг териси рангидан қўрқиб кетиб, уни аҳлат қутисига ташлаб юборди

  • 23-01-2018, 20:32
  • 2 298
  • Дунё
  • Ота боласининг териси рангидан қўрқиб кетиб, уни аҳлат қутисига ташлаб юборди
    Хитойнинг Сюаньвэй шаҳридаги кузатув камераларидан бири ота янги туғилган чақалоғини аҳлат қутисига ташлаб юбораётганини тасвирга олди. Эркак икки соат аввал туғилган боласини қоғоз пакетга ўраб, уни қути ичига ташлаган.

    Ҳайриятки, чақалоқнинг йиғисини кекса аёл эшитиб қолган ва полицияга хабар берган. Полиция томонидан топилган ота эса ўз ҳатти-ҳаракатини боланинг сиёҳранг бўлиб туғилгани билан изоҳлаган. Туғруқ жараёни уй шароитида, шифокорларсиз бўлиб ўтган ва эркак эндиликда болага ёрдам бериш фойдасиз деб ўйлаган.

    Текширув жараёнларидан сўнг қизалоқнинг мутлақо соғлом эканлиги маълум бўлди, унинг териси ранги эса совуқдан ўзгаргани аниқланди. Айни пайтда чақалоқ болалар уйига топширилган.

    » » Ота боласининг териси рангидан қўрқиб кетиб, уни аҳлат қутисига ташлаб юборди