Хитойлик рассомнинг сурати 65,2 миллион АҚШ долларига сотилди

Абстракт йўналишида ижод қилувчи хитойлик рассом Чжао Уцзининг «Июнь-октябрь 1985» сурати Гонконгда бўлиб ўтган кимошди савдосида 65,2 млн АҚШ долларига сотилган. Бу тўғрисида "Sotheby's" аукцион уйида 30 сентябрь куни кимошди савдосини ўтказган ташкилотчилар хабар берган.

Бу осиёлик рассомлар асарига нисбатан рекорд кўрсаткич бўлиб, картина мойбўёқда ишланган. "Июнь-октябрь 1985" полотно-триптихи расм номида кўрсатилган даврда ишланган, эни 10 метр, бўйи 2,8 метр бўлиб, Сингапурдаги "Raffles City" иншоотлари комплексининг асосий биноси фойесини безаган.

Расм пистоқи-сиёҳранглардан фойдаланиб, ноанъанавий усулда, ғарб абстрактционистларига хос йўналишда ишланган. Бу Чжао Уцзининг ўзигагина хосдир.

Ташкилотчилар расмни 45 млн АҚШ долларига сотмоқчи бўлишган, бироқ кимошди савдосида унинг нархи анча ошган. Харидорнинг номи эълон қилинмаяпти. «Замин»ни Telegram’да ўқинг!