ОАВ: Россия ҳукумати доллардан воз кечишни режалаштирмоқда

Россия ҳукумати мамлакат иқтисодиётини долларсизлаштиришни ўз ичига олган қонун лойиҳасини тайёрламоқда. Бу ҳақда The Bell манбаларга таянган ҳолда хабар берди.

Уларнинг сўзларига кўра, лойиҳа «бир-икки ҳафтадан» сўнг Россия бош вазири Дмитрий Медведев томонидан тасдиқланиши керак. Муҳокама жараёнида экспортчилар, шунингдек, мамлакатнинг энг йирик банклари, шу жумладан, Марказий банк вакиллари ҳам иштирок этмоқда.

Мавжуд маълумотларга кўра, қонун лойиҳаси АҚШ валютасидан фойдаланишни бекор қилишни назарда тутмайди. Гап бошқа миллий валюталардан фойдаланган ҳолда ҳисоб-китобларни амалга ошириш имкониятларини яратиш, валюта қонунчилигини эркинлаштириш ва валюта назоратини соддалаштириш ҳақида кетмоқда. Ушбу қадамлар бизнесга исталган валюта ёрдамида ҳисоб-китобни амалга ошириш ва бунда ортиқча йўқотишларга учрамаслик имконини бериши керак. «Замин»ни Telegram’да ўқинг!