10:21 / 09.03.2019
2 874

Марадона Кубада никоҳсиз туғилган уч фарзандини тан олишга тайёрлигини айтди

Марадона Кубада никоҳсиз туғилган уч фарзандини тан олишга тайёрлигини айтди
Аргентиналик собиқ футболчи Диего Марадона Кубадаги уч фарзандининг отаси эканлигини тан олмоқчи. Бу ҳақда унинг адвокати Матиас Морла маълум қилди.

“Унинг Кубада икки аёлдан уч фарзанди бор. Улар ҳозирча юридик тан олинмаган”, деб айтган Морла Trece телеканали эфирида.
Марадона ДНК тестлари ёрдамида оталиги тасдиқланиши билан фарзандларини тан олишга тайёр.

Адвокатнинг таъкидлашича, Диего ўз фарзандлари билан алоқани қўллаб-қувватлайди. Агар улар футболчининг фарзандлари эканлиги аниқланса, унда Марадонанинг тан олган фарзандлари сони 8 нафарга етади.

Марадона Кубада 2000 йилдан 2005 йилгача маълум танаффуслар билан яшаган ва у ерда гиёҳвандликдан даволанган.
Айни вақтда Марадона Мексиканинг “Дорадос” клубига мураббийлик қилмоқда.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)