Москвадаги савдо марказида ҳажми 1 млн литрли аквариум дарз кетди

  • 05 апрель 2019, 09:00
  • 803
  • Дунё
  • Москвадаги савдо марказида ҳажми 1 млн литрли аквариум дарз кетди
    Москвадаги «Океания» савдо-кўнгилочар марказида аквариум дарз кетди. Бу ҳақда ҳодиса гувоҳлари ижтимоий тармоқларда маълум қилишди.

    Москва фавқулодда вазиятлар бошқармаси вакилининг «РИА Новости»га маълум қилишича, аквариумда «сезилар-сезилмас ёриқ пайдо бўлган, сув ойна бўйлаб сизиб чиқмоқда».

    «Океания»даги аквариум баландлиги 24 метр бўлган иккита шаффоф акрил цилиндрдан ташкил топган бўлиб, унга 1 млн литр денгиз суви сиғади.

    Маълумот берилишича, у ичида экскурсион лифти бўлган дунёдаги энг баланд цилиндрсимон аквариум бўлиб, Американинг ICM компанияси томонидан қурилган.

    Манба: Kun.uz

    » » Москвадаги савдо марказида ҳажми 1 млн литрли аквариум дарз кетди