Атамбоев: «Бизга парламент республикаси керак - бу хаёлида колхоз ва Қўқон хонлиги бўлган президентдан яхшироқ»

Қирғизистонга парламент республикаси керак - бу хаёлида колхоз ва Қўқон хонлиги бўлган президентдан кўра яхшироқ. Бу ҳақда Қирғизистон собиқ президенти Алмазбек Атамбоев «Коррупцияга қарши ҳақиқий кураш учун» митинги давомида маълум қилди.

«Кейинги сафар биз бу тўданинг истеъфо беришини талаб қилиб чиқамиз. Биз Жээнбековнинг колхози ёки қўйлар эмасмиз!» - дея таъкидлаб ўтган А.Атамбоев.

Унинг сўзларига кўра, ҳозир Батукаев иши юзасидан Матраимовлар шов-шувидан эътиборни тортиш жараёни кетмоқда. «Айтишларича, мен пул олганман. Менинг ўзим ҳар доим пул берганман. Ҳаммани қамашмоқда - Атаханов, Салянова. Салянова бир неча йилдан бери менга қарши тиш қайраб юрибди, лекин мен у пул олмаганини биламан. Унинг оиласида эр пул топиб келган», - дейди собиқ президент.

Бундан олдин, мамлакат собиқ бош прокурори Аида Салянова «қонундаги ўғри» Азиз Батукаевнинг қамоқдан ноқонуний бўшатилишига алоқадор кўрилиб, 3 июнь куни ҳибс қилинганди. У 3 июнь куни Ички ишлар вазирлигига сўроққа чақирилган. Сўроқдан сўнг терговчи уни гумонланувчи сифатида ҳибсга олиш тўғрисида қарор чиқарган. «Замин»ни Telegram’да ўқинг!