Фото: EPA
Microsoft асосчиси Билл Гейтс компания директорлар кенгашини тарк этишга қарор қилди. «РБК»нинг ёзишича, бу ҳақда у ўзининг LinkedIn саҳифасида маълум қилган.
«Microsoft ҳар доим ҳаётимнинг муҳим қисми бўлиб қолади ва мен Сатя Наделла (корпорациянинг бош директори) ва техник раҳбарият билан компаниянинг қарашларини шакллантириш ва улкан мақсадларга эришишда ёрдам беришда давом этаман», — деган у.
Корпорация хабарида айтилишича, Билл Гейтс соғлиқни сақлаш, таълим ва иқлим ўзгаришига қарши кураш соҳасидаги хайрия ишларига кўпроқ вақт сарфламоқчи. У компанияда Наделла ва бошқа Microsoft раҳбарларининг маслаҳатчиси сифатида ишлашда давом этади.
Гейтс, шунингдек, Berkshire Hathaway инвестиция фонди директорлар кенгашидан ҳам кетишини маълум қилган.
Гейтс Microsoft’га 1975 йилда тадбиркор Пол Аллен билан асос солган. У 2008 йилгача компания бош директори бўлган. Сўнг рафиқаси Мелинда билан бирга асос солган хайрия жамғармаси (Bill & Melinda Gates Foundation)га кўпроқ эътибор қаратиш учун ушбу лавозимни тарк этган.
Тадбиркор директорлар кенгашига 2014 йилгача раҳбар бўлган. Сўнг бу лавозимни Жон Томпсон эгаллаган.
Билл Гейтс Microsoft акцияларининг тахминан 1 фоизига эгалик қилади. Forbes унинг бойлигини 103,6 миллиард долларга баҳолаган, журнал уни дунёнинг энг бой одамлари рейтингида (Amazon бош директори Жефф Безосдан кейин) иккинчи ўринга қўйган. Bloomberg миллиардерлар рейтингида биринчи ўринга чиқиб олган. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Қайси кундалик одатлар иммунитет пасайишига олиб келишини биласизми?
АҚШнинг Ғазодаги сиёсатидан норози Давлат департаменти расмийси истеъфога чиқди
Германияда мактаб ўқувчилари оммавий равишда ислом динини қабул қилмоқда
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Тошкентда 02 кодли авторақамлар тахминан қачон пайдо бўлиши айтилди
Лукашенко Ғарбга таҳдид билан чиқди