Энрике Иглесиас икки ойлик қизининг видеоси билан бўлишди (видео)

^{Фото: Elle}
Хонанда Энрике Иглесиас Instagram ижтимоий тармоғига бундан икки ой аввал дунёга келган фарзанди Мариянинг видеосини жойлади, деб ёзади Elle.
Энрике ва теннисчи Анна Курникова жуфтлиги бошқа машҳурларга нисбатан шахсий ҳаётини кўз-кўз қилишни ёқтирмайди. Шу боис ҳам хонанда томонидан жойланган видео бир қанча мулоҳазаларга сабаб бўлган.

Таъкидланишича ҳатто қизалоқнинг дунёга келгани ҳақидаги хабар ҳам жуфтликнинг мухлислари учун кутилмаган бўлган. Чунки Аннанинг ҳомиладор сурати тармоқда тарқалганига ҳеч қанча бўлмай, жуфтлик қиз фарзандли бўлгани ҳақида маълум қилганди.

^{Фото: Elle}
30 январда қизалоқ туғилгани ва унинг исми Мария эканидан бошқа ҳеч қандай қўшимча маълумот берилмаган.
Жойланган видеода отасининг тиззасида ўтирган қизалоқ, Fun гуруҳининг «Tonight we are young» қўшиғига рақсга тушаётганини кўриш мумкин.

View this post on Instagram

?

A post shared by Enrique Iglesias (@enriqueiglesias) on Apr 5, 2020 at 1:57pm PDT

«Замин»ни Telegram’да ўқинг!