Лондон аквариумидаги пингвинлар зерикиб қолмаслиги учун уларга фильм қўйиб берилмоқда (видео)

^{Фото: Legion Media}
Лондон аквариумидаги пингвинларга коронавирус чекловлари туфайли ташриф буюрувчилар келмай қўйгани сабаб кайфиятини кўтариш учун Рождествога оид фильмлар намойиш этилмоқда, деб хабар беради Daily Mail.

5 ноябрь куни фаолиятини тўхтатган аквариум ходимларининг сўзларига кўра, пингвинлар ташриф буюрувчиларни диққат билан кузатади ва тинглайди, бироқ эндиликда улар зерикмоқда. Пингвинларни хурсанд қилиш мақсадида телеэкранлар орқали байрам фильмлари, масалан, «Элф» комедияси намойиш этиляпти.

«Пингвинларга байрам фильмлар ёқаётгани қарамай, биз ҳам улар каби ҳақиқий меҳмонларнинг қайтишини сабрсизлик билан кутмоқдамиз», — дейди авкариум ходимларидан бири. Маълумотларга кўра, Лондон аквариум шу ҳафтанинг ўзида яна фаолиятини қайта бошлаши керак.
“Замин” янгиликларини “Twitter”да кузатиб боринг