Фото: Marie Claire
Ёзнинг иссиқ кунларида кўп инсонлар таътилга чиқади. Бу кунларда танани фаоллаштириш керак бўлади. Шу билан биргаликда вазн йўқотиш ҳақидаги суҳбатларда метаболизм атамаси тез-тез қулоққа чалинади: тез, нормал ва секин бўлишига қараб вазн йўқотиш муҳокама қилинади.
Метаболизм нима?
Танангиз энергияга ишлаб чиқариши учун сиз еган ва ичган ҳамма нарсадан фойдаланади. Агар сизда метаболизм тез бўлса, танангиз энергияни тез ишлаб чиқаради ва бу эса соғлом тарзда вазн йўқотишга ёрдам беради.
Вазн йўқотиш учун айнан бир маҳсулот кифоя қилмайди, бунинг учун турли маҳсулотлардан фойдаланиш керак. Шуни унутмаслик керакки, микроэлементлар ва антиоксидантларга бой ичимликлар метаболизмни тезлаштиришга ва мақсадингизга эришишингизга ёрдам беради. Бундай ичимликлардан бири чой ҳисобланди. Қуйида вазн йўқотишга ёрдам берадиган чой турлари ҳақида маълумот берилади.
Занжабил чойи
Фото: Marie Claire
Занжабил чойи вазн йўқотишда ёрдам берадиган энг фойдали ичимликлардан бири ҳисобланади. Унинг таркибида ноёб бирикмалар: гингерол ва сегаол мавжуд бўлиб, улар организмга антиоксидант таъсир кўрсатади ва эркин радикалларнинг зарарланишини камайтиради. Радикал зарарланиш танага салбий таъсир кўрсатади, оксидловчи стрессни оширади, бу эса килограмм ортишига олиб келади. Шунинг учун занжабил чойини диетангизга қўшганингиз маъқул.
Қора чой
Фото: Marie Claire
Ушбу ичимликни истеъмол қилиш маданиятнинг бир кўриниши сифатида ҳам эътироф этилади. Ёқимли таъмдан ташқари қора чой таркибида кофеин (меъёрида), шунингдек, метаболизмни тезлаштиришга ёрдам берадиган фойдали моддалар мавжуд. Тадқиқотларга кўра, қора чой таркибида кўп миқдорда флавон мавжуд бўлиб, улар метаболизмни кучайтиради ва танадаги ортиқча калория ва ёғларни парчалайди ва вазн йўқотишга ёрдам беради.
Матча
Фото: Marie Claire
Матча ҳам ортиқча вазн билан курашишга ёрдам берадиган фойдали ичимликдир. Овқатланишдан олдин бир чашка матчани истеъмол қилиш метаболизмни тезлаштиришга ёрдам беради. Ичимлик таркибидаги микроэлементлар ёғларни оксидлайди, бу метаболизмнинг тезлаштиради.
Кўк чой
Фото: Marie Claire
Чойнинг ушбу тури вазн йўқотишга катта ёрдам беради. Кўк чой чой ёғларни парчалашга ёрдам берадиган антиоксидантларга бой. Бундай чойни машғулотдан олдин ва кейин ичиш айниқса фойдали ҳисобланади. Ичимлик таркибидаги катехинлар ёғ ҳужайраларини парчалашга катта ёрдам беради.
Улун чойи
Фото: Marie Claire
Улун чойи вазн йўқотиш учун ҳам фойдалидир. Ичимлик таркибидаги элементлар организмдаги ёғларнинг сўрилишига таъсир қилади. 2009 йилда ўтказилган тадқиқот натижаларига кўра, олти ҳафталик тажрибадан сўнг, кунига 8 грамм улун чойи ичган инсонларнинг 66 фоизидан ортиғи ушбу ичимликни ўз диетасига киритганликлари учун тахминан 1 килограмм вазн йўқотган.
Ройбуш
Фото: Marie Claire
Бошқа чой турларидан фарқли ўлароқ, ройбуш таркибида кофеин мавжуд эмас. Асл ватани Жануний Африка бўлган ушбу ичимликнинг таркибида аспалатиннинг юқори миқдори бўлгани сабабли шакар алмашинуви, шунингдек, метаболизмни тезлаштиришга ёрдам беради. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
20 ёшли ўзбекистонлик қизни қариндоши Туркияга сотиб юборди
Жо Байден: “Баъзан хотиним мени космосга жўнатиш билан таҳдид қилади”
Омега-3 қандай қилиб озишга ёрдам беради?
Эрон АҚШдан 1 трлн доллар компенсация талаб қилди
Apple донгдор икки айфонини расман эскирган деб эълон қилди
Айрим бошқарув сервис компаниялари шартномаларида асоссиз шартлар белгилангани аниқланди
Шольц ва Путин ўртасидаги суҳбат Киевга сигнал бўлди
Россиялик депутат: «Олий маълумотлиларнинг курерлик қилиши — ватанпарварликка зид»
