Дастурхонимизда серсув помидор кам учрайди. У салатларга қўшилади, консерваланади ва ундан шарбат тайёрланади. Агар ҳар куни помидор истеъмол қилсангиз нима бўлади?
Помидор қатор фойдали хусусиятларга эга — у спазмолитик таъсир кўрсатадиган ва атеросклероз ривожланишининг олдини олувчи кверсетинни ўз ичига олади. Помидор ёки помидор шарбатидан мунтазам истеъмол қилиш қонни суюлтиришга ёрдам беради ва тромбозга қарши профилактика ҳисобланади. Аммо помидорнинг кучли алерген эканини унутмаслик керак, шунинг учун аллергияга мойил ва ошқозон-ичак касалликлари билан оғриганлар бу маҳсулотни истеъмол қилишда эҳтиёт бўлишлари керак. Подагра касаллигига чалинганларга ҳам помидорни таомномасидан чиқариб ташлаш тавсия этилади.
Россияда помидорни сабзавот сифатида таснифлаш одатий ҳолдир. Расмий ботаника маълумотларига кўра, улар резаворлардир, чунки улар сувли қуюқ мағиз, юпқа тери ва кўплаб уруғ доналарга эга. Европада помидор мева ҳисобланади.
Фойдаси хусусида
Помидорда крахмал, шакар, пектин, жуда кам учрайдиган К витамини, шунингдек, Б гуруҳи витаминлари ва каротиноидлар мавжуд.
Бундай паст калория ва вазн йўқотишга қарор қилганлар учун идеал маҳсулотдир. Шунингдек, у ичак фаолиятини яхшилайдиган кўп миқдорда клечаткани ўз ичига олади. Помидор таркибида калий ва магний чемпиондир, агар ундан мунтазам истеъмол қилинса, юрак анча яхши ишлайди.
Помидорлар ликопенга жуда бой, бу юрак хуружи ва инсулт эҳтимолини камайтиради, шунингдек, қонни суюлтиради, холестеринни камайтиради. Помидор антиоксидант хусусиятларга эга, саратон ўсмаларининг ривожланишига тўсқинлик қилади. Ликопеннинг энг катта миқдори қайта ишланган помидорларда мавжуд: тузланган, помидор шарбати ва пастасида.
Ликопеннинг яхшироқ сўрилиши учун ёғлар керак бўлади, шу боис помидор ва ўсимлик ёғи бир-бирини тўлдиради.
Тузланган помидорда сут кислотаси мавжуд бўлиб, бу нормал ичак микрофлорасини сақлаб қолиш имконини беради.
Агар сиз кунига бир порсия помидор салатини истеъмол қилсангиз ёки помидор шарбатини ичсангиз, кўриш қобилиятини сезиларли даражада яхшилашингиз мумкин, чунки бир ликопча салат организмдаги А витаминига бўлган кунлик эҳтиёжнинг деярли ярмини қоплайди.
Зарари хусусида
Помидорда кўп миқдорда шакар бор, диабетга чалинганлар буни ҳисобга олишлари ва чекланган миқдорда истеъмол қилишлари муҳим.
Помидорда аллергик реакцияларни келтириб чиқарадиган моддалар ҳам мавжуд ва аллергия билан оғриган беморларда қичишиш ва шиш пайдо бўлиши мумкин. Сариқ ва тўқ сариқ помидорларда аллергенлар нисбатан камроқ, деб тахмин қилинади.
Помидор мағизи ошқозон-ичак тракти ҳолатига салбий таъсир кўрсатиши ва ошқозон-ичак касалликларини кучайтириши мумкин. Шунинг учун кунига йирик помидордан 2 дона ёки черри помидоридан 7 донадан ортиқ истеъмол қилиш тавсия этилмайди.
“Замин” янгиликларини “Twitter”да кузатиб боринг
