Кальций етишмаслигини тўлдирадиган маҳсулотлар ҳақида кўп гапирилади. Уни организмда сўрилишига нима тўсқинлик қилмоқда?
Кальций танадаги энг муҳим минераллардан биридир. Айнан у суяклар ва тишларнинг асосий қурилиш элементи бўлиб, мушаклар, асаб ва юрак-қон томир тизимларининг ишида муҳим рол ўйнайди. Кальций етишмаслиги турли хил соғлиқ муаммоларига олиб келиши мумкин: остеопороз, тишларнинг парчаланиш хавфи, мушакларнинг спазмлари ва юрак касалликлари. Шунинг учун кундалик рационингиздан нафақат етарли миқдорда кальций бўлиши, балки қайси овқатлар бу фойдали минерални организмдан чиқазиб ташлашини билиш ҳам муҳимдир.
Палма ёғи
Парҳезшунослар кўпинча палма ёғининг хавфи ҳақида гапиришади, лекин нима учун бу ёғ жуда хавфли? Маҳсулот кальцийнинг нормал сўрилишига йўл қўймайди. Бундан ташқари, у жуда кўп фойдали озиқ моддаларнинг сўрилишининг олдини олади! Шунинг учун таркибида палма ёғи бўлган маҳсулотлардан бутунлай воз кечган маъқул.
Кофе
Кунига бир ёки икки финжон қаҳва етарли! Аммо, шубҳасиз, меъёрни ошириб юбориш ярамайди. Бу суякларни мўртлашиши билан таҳдид қилади, чунки қаҳва кальцийни емиради. Тишларингизнинг гўзаллигини хавф остига қўйманг ва кун давомида қаҳва ўрнига кўк чой ичинг.
Шакар
Бу маҳсулот бирдай зарарли: тозаланган шакар, ширинликлар ва газланган ичимликлар. Ҳаммаси оддий: шакар ичак микрофлорасини бузади, фойдали витаминлар ва минераллар тўлиқ сўрилмайди.
Туз ва алкогол
Ўлчовни билиш, англаш ва унга риоя қилиш муҳим. Туз ва спиртли ичимликлар организмдаги кальций миқдорига салбий таъсир қилишини унутмаслик керак.
“Замин” янгиликларини “Youtube”да кузатиб боринг
