12:06 / 12.07.2023

Нотўғри парвариш қилаётган бўлишингиз мумкин: соч тўкилишига олиб келадиган 3 та зарарли одат

Тўсатдан соч тўкилиши соғлиқ билан боғлиқ муаммонинг белгиси бўлиши мумкин. Шунинг учун биринчи навбатда шифокорга мурожаат қилиш тавсия этилади. Бироқ баъзида сизда ҳам бўлиши мумкин бўлган умумий ёмон парвариш одатлари соч тўкилишига сабаб бўлади.

Сочларни қуритиш учун иссиқ тароқдан фойдаланасизми?

Сочларни текислаш ва шакллантириш учун машҳур гаджет аслида жиддий муаммога — чандиқли алопецияга олиб келиши мумкин. Бу аста-секин соч фолликулалари йўқ бўлиб кетишига, кучли соч тўкилиши ва қисман калликкача бўлган касалликдир.

Сочларингизни тез-тез текислайсиз

Иссиқ дазмолни тез-тез ишлатиш ҳам соч толаларининг тўкилишига сабаб бўлади. Агар уни ишлатолмасангиз, ҳеч бўлмаганда термал ҳимоя воситаларидан фойдаланинг.

Тинчлантирувчи ва бошқа кучли кимёвий моддалардан фойдаланасиз

Фақат иссиқ текислаш эмас, кўпинча бошқа воситалар ҳам кучли соч тўкилишини келтириб чиқаради. Совуқ текислаш учун мўлжалланган маҳсулотлар: махсус геллар, спрейлар ва бошқалар ҳам соч фолликулаларига жиддий зарар етказиши мумкин. Кимёвий маҳсулотлар ҳам зарарли, ҳатто, хавфли таркибий қисмларга эга бўлган баъзи шампунлар: диэтаноламин, триклосан, фталатлар, парабенлар ёки бензолларнинг сочга зиён бериш эҳтимоли юқори.

Қандай қилиб олдини олиш мумкин?

Юқорида санаб ўтилган одатлардан халос бўлишдан ташқари патологик соч тўкилишини олдини олишнинг бир қанча усуллари мавжуд. Биринчидан, витаминларни, хусусан, балиқ ёғи, мол гўшти, жигар, тухум, сариёғ ва кўплаб сабзавотларда мавжуд бўлган А витаминини истеъмол қилинг. Селен сочни мустаҳкамлаш учун ҳам фойдалидир, у ёнғоқ, уруғлар, тўлиқ донли нон, балиқ ва творог таркибида учрайди. Бироқ ҳаддан ташқари ошириб юборманг. Организмда А витамини ва селеннинг ортиқча бўлиши акс таъсирга олиб келиши мумкин.

Иккинчидан, бошни мунтазам массаж қилиш ёрдам беради. Қўлда ёки махсус гаджетлар ёрдамида. Бу бош терисига қон оқимини оширади ва шу билан фолликуллар ҳалок бўлишининг олдини олади.

Агар сиз тўсатдан кучли соч тўкилиши муаммосига дуч келсангиз, дарҳол шахсий хусусиятларингизга қараб дори-дармонларни танлайдиган трихолог билан боғланган маъқул. Яхшиямки, бугунги кунда уларнинг самарадорлигини исботлаган кўплаб дорилар мавжуд.