Ёз фасли бизга яхши кайфият, дам олиш кунларини оила даврасида завқ билан ўтказиш, болалар учун эса таътил туфайли севимли мавсумдир. Аммо танганинг иккинчи томони жазирама кунларда турли касалликларнинг янада авж олиши билан боғлиқ. Ёзда юрак ва қон томир тизимларига иссиқлик туфайли юк ортиб боришини эслатиб ўтишни ва эҳтиёт чораларини кўришингизни лозим топдик.
Фото: Wday
ЖССТ ёз мавсумида қуйидаги касалликлар кучайиш хавфи ортиши ҳақида огоҳлантиради:
- депрессия;
- қандли диабет;
- юрак касалликлари;
- мияда қон айланишининг бузилиши.
Бунинг сабаби нимада?
Юқори ҳароратларда периферик томирлар кенгаяди, пулс тезлашади, қон босими кўтарилади ва терлаш кучаяди, шу сабабли интоксикация юзага келиши ва танадаги муҳим микроэлементларнинг, жумладан, калий ва магнийнинг камайиб кетиши кузатилиши мумкин. Микроэлементлар етишмаслиги эса қоннинг қуюқлашишига олиб келади ва аритмияни келтириб чиқаради.
Кимлар хавф остида?
- артериал гипертония, сурункали юрак етишмовчилиги каби юрак-қон томир касалликларига чалинган шахслар;
- қанд касаллиги билан оғриганлар;
- кексалар;
- ортиқча вазнли инсонлар;
- доимий ётоқда қолиши керак бўлган одамлар;
- болалар;
- ҳомиладор аёллар.
Жазирама даврда иссиқлик таъсирини енгиллаштириш бўйича тавсиялар
Фото: Wday
- Тўғридан тўғри қуёш нури тушадиган жойларда бўлманг, айниқса, соат 12:00 дан 16:00 гача.
- Бош кийим кийинг.
- Хонада (уй ёки ишхонада) оптимал ҳароратни сақланг.
- Табиий матолардан тикилган енгил ва кенг кийим кийинг.
- Етарлича сув ичинг.
- Тўғри овқатланинг.
- Спиртли ичимликларни истеъмол қилишни тўхтатинг.
Ёзда соғлиғингиз ёмонлашса, нима қилиш керак?
Агар кўчада юрган вақтингиз аҳволингиз ёмонлашганини ҳис қилсангиз — бош айланиши, нафас етишмаслиги, кўкрак қафасида оғриқ ёки ноқулайлик бўлса, дарҳол соя жойга боришингиз лозим. Агар бу қийин бўлса, атрофдагилардан ёрдам сўранг.
Сўнг қандай йўл тутиш керак?
Фото: Wday
- Сояда ўтиринг.
- Сув ичинг, юз ва қўлингизни сув билан чайқанг.
- Агар ўн дақиқа ичида аҳволингиз яхшиланмаса, тез ёрдам чақиринг ёки атрофдагилардан чақириб беришларини сўранг.
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Мeтаболизм секинлашганининг белгилари
Украина Курск областида эгаллаб олган ҳудудларининг 40 фоиздан ортиғини йўқотди
Ҳусийлар Исроил авиабазасига гипертовушли ракета билан зарба берди
Италия суди Қуддус Исроил пойтахти эмаслиги ҳақида қарор чиқарди
Туркия ўзининг биринчи квант компютерини тақдим этди
Халқаро жиноят судининг ордери Исроилни нега қўрқитяпти?
Малдив ороллари туристлардан ундириладиган солиқларни кескин оширади
Суперлига. 2025 йилги мавсум қачон старт олиши маълум қилинди
