Қуритилган мевалар: фойдали хусусиятлари ва эҳтиёткорлик чоралари

Қуритилган мевалар инсон саломатлиги учун муҳим бўлган озиқ-овқатлардан бири ҳисобланади. Улар ўз таркибида организм учун зарур витамин ва минералларни сақлаб қолади. Бу маҳсулотлар айниқса овқат ҳазм қилиш тизими, иммунитет ва умумий саломатлик учун жуда фойдали. Бироқ, уларни истеъмол қилишда меъёрга риоя қилиш ва эҳтиёткор бўлиш ҳам муҳим.

Қуритилган меваларнинг фойдали хусусиятлари

Овқат ҳазм қилишни яхшилайди
Қуритилган мевалар озиқ-овқат толаларига бой бўлиб, ичакларнинг фаол ишлашини таъминлайди ва токсинларни чиқариб ташлашга ёрдам беради. Айниқса, қоқи, майиз ва анжир ичакларнинг фаолиятини яхшилашга ёрдам беради.

Иммунитетни мустаҳкамлайди
Мевалар таркибидаги В ва С витаминлари, шунингдек, темир ва магний моддалари иммун тизимини қувватлантириб, организмни турли касалликлардан ҳимоя қилади.

Қувват манбаи
Қуритилган мевалар табиий шакарга бой бўлгани учун организмга куч ва энергия беради. Шу сабабли уларни спортчилар ва жисмоний фаолият билан шуғулланувчилар кўп истеъмол қилади.

Антиоксидантларга бой
Майиз, анжир, қоқи каби қуритилган мевалар антиоксидант моддаларга бой бўлиб, ҳужайраларни эркин радикаллардан ҳимоя қилади ва саратон касалликларининг олдини олишга ёрдам беради.

Қуритилган мевалар истеъмолида эҳтиёткорлик чоралари

Қандли диабет билан касалланганлар учун хавф
Қуритилган мевалар табиий шакарга бой бўлгани учун қандли диабет билан оғриган инсонлар уларни истеъмол қилишда эҳтиёткор бўлишлари лозим. Кунлик меъёрни оширмаслик керак.

Кимёвий ишлов берилган қуритилган мевалар
Кўплаб бозордаги қуритилган мевалар тижорий кўринишини яхшилаш мақсадида турли кимёвий моддалар, масалан, консервантлар ва мойлар билан ишлов берилади. Шунинг учун уларни истеъмол қилишдан аввал илиқ сувда ювиб олиш тавсия этилади.

Истеъмол меъёрига риоя қилиш
Ҳар қандай маҳсулот каби, қуритилган меваларни ҳам меъёрдан ошириб истеъмол қилиш мумкин эмас. Кунлик рационда янги ва қуритилган мевалар миқдорини мутаносиб равишда танлаш лозим.

Қуритилган мевалар жуда фойдали ва мазали бўлиб, организм учун зарур бўлган озуқавий моддаларга бой. Уларни тўғри танлаб, эҳтиёткорлик билан истеъмол қилиш саломатликни яхшилашга ёрдам беради. Бироқ, сифатли маҳсулотларни танлаш, уларни яхши ювиш ва меъёрга риоя қилиш жуда муҳим. Шу билан бирга, уларни турли касалликларга мойил одамлар шифокор маслаҳатига биноан истеъмол қилишлари тавсия этилади. “Замин” янгиликларини “Telegram”да кузатиб боринг