Ширин ва соғлом: Тана учун фойдали десертлар ҳақида нималарни биламиз?

Кўпчилик ширинликлар ҳақиқатдан ҳам соғлиқ учун зарарли ҳисобланади. Аммо барча ширин таъмли маҳсулотлар “қора рўйхат”да эмас. Аксинча, баъзилари танани мустаҳкамлаш, юрак-қон томир фаолиятини яхшилаш ва ҳатто фикрлаш қобилиятини оширишда ёрдам беради.

Муҳими — тўғри танлов ва истеъмол маданияти.

Шакар ўрнига мева — ширин, фойдали, табиий
Кундалик ширинлик ўрнида олма, банан, малина, қулупнай, черника каби табиий резавор меваларни танлаш тавсия этилади. Уларда шакар табиий ҳолда бўлади ва улар:

• Витамин ва антиоксидантларга бой;
  
• Иммунитетни мустаҳкамлайди;
  
• Асаб тизимини тинчлантиради.
  

Майиз — кичик десерт, катта фойда
Уйда тайёрланган печенье, кекс, ёки мевали салатларга майиз қўшиш нафақат таъм беради, балки:

• Юрак учун фойдали калий манбаи;
  
• Толалари ҳазмни яхшилайди;
  
• Темир моддаси туфайли камқонликка қарши самарали восита.
  

50 ёшдан кейин шакарни чеклаш — фойдани кўпайтириш
Ёш ортгани сайин, айниқса 50 ёшдан кейин рациондан ортиқча шакарни чиқариш танада қуйидаги ўзгаришларга олиб келади:

• Юрак фаолияти яхшиланади;
  
• Қон босими ва қанд миқдори мувозанатга келади;
  
• Тери ҳолати тикланади;
  
• Мия фаолияти ошади, фикрлаш равшанлашади.
  

Ширинликдан воз кечиш эмас, тўғри танлаш
Тўғри ширинлик танлаш орқали ҳам соғлом, ҳам ширин ҳаёт кечириш мумкин. Масалан:

• Агар-агардан тайёрланган зефир — денгиз сувўтларидан тайёрланади;
  
• Мевали ва ёнғоқли йогуртлар — уй шароитида;
  
• Шакарсиз мюсли батончиклар — энергия ва тўйимлилик манбаи;
  
• Қора шоколад — антиоксидантларга бой.
  

Ҳолва — халқ ширинлиги ва соғломлик сири
Халқимиз яхши кўрадиган ҳолва ҳақида ҳам унутманг. Табиий ёғлар, витамин ва минералларга бой бўлган мазкур ширинлик:

• Юрак фаолиятини қўллаб-қувватлайди;
  
• Энергия беради;
  
• Суяк ва тишлар учун фойдали;
  
• B гуруҳи витаминлари туфайли асаб тизимини тинчлантиради.
  

Ширинлик соғлом турмушнинг душмани эмас
Муҳими — миқдорни билиш, табиий маҳсулотлардан фойдаланиш ва ширинликка маданиятли ёндашиш. Танангизга яхши муносабатда бўлинг, у ҳам сизга куч, энергия ва яхши кайфият билан жавоб қайтаради! «Замин»ни Telegram’да ўқинг!