Онлайн харажатлар пулни йўқ қилади: Молиячи асосий хатони очди

2025 йилнинг молиявий реаллиги шунчаки даромад топиш эмас, балки уни оқилона бошқаришни талаб этмоқда. Бу борада молия бўйича таниқли мутахассис Шеннон Маклей жуда муҳим маслаҳат билан чиқди — пулни сақлаб қолиш учун аввало телефондаги хавфли иловани ўчириш керак!

Унинг таъкидлашича, шунчаки бир “тах” босиш орқали харид қилиш имконини берадиган илова – молиявий тартибсизликнинг асосий сабабларидан бири. “Биз пул топиш учун куну-тун меҳнат қиламиз, аммо уни қандай сарфлаётганимизни тўлиқ англамаймиз. Импулсив, яъни ўйламай амалга оширилган харидлар сабабли кўпчилик ой охирида нолича қолади,” – дейди эксперт.

Шенноннинг сўзларига кўра, турли тўлов иловалари пул билан муносабатни жуда енгиллаштириб юборади. Масалан, банк картангизни телефонга боғлаб қўйган бўлсангиз, харид қилиш учун фикр юритиш, режалаштириш ёки ҳисоб-китоб қилишга ҳатто фурсат ҳам қолмайди. Бу эса пулнинг “қайси йўл билан йўқолиб қолаётганини” англашни қийинлаштиради.

“Мижозларим менга кўп бора шундай дейишади: ‘Мен ишлайман, лекин пул қаерга кетяпти, тушунмайман.’ Бу жуда кенг тарқалган муаммо. Оддий нарсаларни диққатсизлик билан харид қилиш, чойхоналар, тўсатдан амалга оширилган онлайн харидлар – булар ҳаммасининг ортида автоматлашган пул сарфлари турибди”, – дейди у.

Мутахассис шуни таъкидлайдики, молиявий қийинчиликларнинг кўпчилиги стресс билан боғлиқ ва айнан шунинг учун ҳам инсонлар пул мавзусидан узоқлашишга уринади. Аммо пул масаласидан қочиш ўрнига, унга юзланиш ва вазиятни яхшилаш бўйича фаол ҳаракат керак.

Шеннон Маклей ўз маслаҳатида молиявий барқарорликка эришиш учун бир кечада мукаммал бюджет тузиш шарт эмаслигини, балки кичик, лекин қатъий қадамлар билан бу йўлни бошлашни тавсия қилади.

Унинг фикрича, биринчи навбатда харажатларни кузатиш одатини йўлга қўйиш керак. Бунда у алоҳида иловаларни ёки телефондаги эслатмаларни қўллашни тавсия қилади. “Ҳар бир сарфланган сўм қайд этилиши керак. Фақат шундагина одам ўз пул оқимини назоратга олиши ва келажакда мақсадли жамғармага эришиши мумкин”, – дея хулоса қилади эксперт.

Ҳозироқ текширинг: телефонингизда харажатларни енгиллаштирадиган, сизни фақат реклама ва қизиқишлар орқали харидга ундайдиган иловалар борми? Агар шундай бўлса, уларни ўчириш – молиявий ҳаётингизни тозалашдаги илк ва энг муҳим қадам бўлади. «Замин»ни Telegram’да ўқинг!