Олимлар аниқлашича, кимдир ширинлик ейишаётганини кузатиш ҳатто тўқ одамда ҳам иштаҳани кучайтиради. Бу ҳолат миядаги допамин тизими фаолияти билан боғлиқ. Бейлор тиббиёт коллежи мутахассислари олиб борган тадқиқот шуни кўрсатди.
Nature Communications журналида эълон қилинган мақолада қайд этилишича, тажриба сичқонларда ўтказилган. Оддий ёки ёғли таом ейишаётган қўшнилар уларга таъсир қилмаган бўлса, ширинлик истеъмол қилганларини кўрганда, ҳатто тўқ ҳолатдагилари ҳам овқатланишни бошлаган.
Мутахассислар допамин рецепторларини тўсувчи дори берганда бу таъсир йўқолган. Олимлар фикрича, D1 ва D2 рецепторлари бошқа бировнинг ейишаётганини кўрганда иштаҳани оширади ва мияда “бу ёқимли, яна такрорла” деган сигнал уйғотади.
Тадқиқот раҳбари доктор Йонг Сюнинг таъкидлашича, шунчаки кимдир овқатланаётганини кўриш ҳам ортиқча овқатланишга олиб келиши мумкин.
Замонавий ҳаётда одамлар ҳар қадамда — рекламада, ижтимоий тармоқларда ва экранларда таомлар тасвирини кўради. Олимлар бу жараённи тушуниш соғлом овқатланиш одатларини шакллантириш ва ортиқча иштаҳани назорат қилишда муҳим қадам бўлиши мумкинлигини қайд этмоқда.
«Замин»ни Telegram’да ўқинг!
