Интернетда сўнгги пайтларда кенг муҳокама қилинаётган янги тушунча — phubbing. Бу ҳолат мулоқот вақтида инсоннинг диққатини шеригидан кўра телефонига қаратиши билан изоҳланади. Мутахассисларнинг таъкидлашича, бу одат муносабатларга катта зарар етказади ва кўплаб низоларни келтириб чиқаради, деб ёзади Peopletalk нашри.
Ўтказилган тадқиқотда ҳар куни телефон ишлатадиган 196 нафар катта ёшли жуфтлик қатнашди. Олимлар гаджетлардан фойдаланиш уларнинг муносабатларига қандай таъсир қилишини ўрганди ва жонли суҳбат ўрнига телефонни танлаш ҳолатларини қайд этди.
Натижалар кутилганидан ҳам салбий бўлди. Phubbing қурбони бўлган инсонлар тез-тез салбий кайфиятга тушгани, муносабатлардан қониқиш даражаси эса анча пасайгани аниқланди. Хусусан, хавотирли боғланиш турига эга респондентлар бу ҳолатни янада оғирроқ бошдан кечиришган. Шу билан бирга, тажриба иштирокчиларида ўзини қадрлаш пасайиб, руҳий тушкунлик белгилари кучайгани кузатилди.
Мутахассисларнинг фикрича, смартфонлар ҳаётимизнинг ажралмас қисмига айланган бўлса-да, улардан ҳаддан ташқари фойдаланиш ҳиссий алоқаларни заифлаштиради. Натижада, телефонлар жонли мулоқотни сиқиб чиқариб, шериклар ўртасидаги ишонч ва яқинликни издан чиқариши мумкин.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
