Сўнгги йилларда иқлим ўзгариши туфайли дунё бўйлаб иссиқ тўлқинлари кўпаймоқда. Мутахассисларнинг айтишича, узоқ давом этадиган иссиқ ҳавода инсон танаси тезда сувсизланади ва юрак-қон томир тизимига катта юк тушади. Бу эса, айниқса, болалар, кексалар ва сурункали касаллиги борлар учун хавфли ҳисобланади.
Шифокорлар иссиқ кунларда кўпроқ сув ичиш, имкони борича қуёш тигида кўп юрмаслик ва енгил кийим кийишни маслаҳат бермоқда.
Агар одамда бош оғриғи, бош айланиши ёки ҳушдан кетиш ҳолати кузатилса, бу иссиқлик уришининг белгилари бўлиши мумкин. Бундай вазиятда дарҳол салқин жойга олиб чиқиб, шифокорга мурожаат қилиш зарур. Тезкор ёрдам кўрсатилмаса, иссиқлик уриши ҳаёт учун хавф туғдириши мумкин.
Мутахассислар таъкидлашича, иссиқ мавсумда ҳар бир фуқаро ўзини ва яқинларини ҳимоя қилиш учун эҳтиёт чораларига қатъий амал қилиши лозим.
“Zamin”ни Telegram'да ўқинг!
