Қўнғироқ қилмагин — Олтидан кейин, Ахир, Уйда Хотин… Ва Болаларим…

Қўнғироқ қилмагин —
Олтидан кейин,
Ахир,
Уйда Хотин…
Ва Болаларим…
— Ноқулай аҳволга
Солмагин мени?!
“Гўдок”лар ташлама
Менга бетиним!
Телефонни ўчирсам…
Шубҳада Хотин!
Гумонлар
Ўтида қоврилар жони.
Пайсалга солмасдан,
Мендан яширин; —
…“Титкилар —
Телефоннинг
Хотирасини?!”.
Телефонни ўчириб…
Гоҳо яшириб,
Шу тахлит яшайман…
Ҳалакда жоним.
Қўнғироқ овози?!
Тушаман чўчиб,
Адашган абонент…
Азобда жоним…

Равшан Ганс Рустамов «Замин»ни Telegram’да ўқинг!