ҚЎЙ (21. 03 — 20. 04)
Бугун кунингиз ёрқин воқеа-ҳодисаларга бой бўлиши кутилади. Муаммоларга эътибор қилмасдан, майда-чуйда кўнгилсизликлардан ҳам хурсанд бўлишга ҳаракат қилинг. Ана шунда асабларингиз таранг тортмайди, саломатлигингизга путур етмайди. Кечқурун оила қурмаганларни романтика кутади. Бу учрашув сиз учун жуда ёқимли лаҳзаларга қоришиқ дейилса, ишонаверинг. Ўзингизни эҳтиёт қилинг.
БУЗОҚ (21. 04 — 21. 05)
27 сентябр куни эски қадрдонлардан бирини тасодифан учратиб қоласиз. Суҳбат қизигандан қизийди. Эсда тутинг, агар сизга омад кулаётган бўлса, омадсизлар қаршисида асло мақтаниб қўйманг. Бугун табиат қўйнида дам олиш, саёҳатга чиқиш ва янги уйга кўчиб ўтиш муваффақиятли кечади. Кечқурун спорт билан шуғулланишингизга ҳеч ким қарши эмас. Аммо эҳтиёт бўлинг, жиддий жароҳат олишингиз эҳтимоли бор.
ЭГИЗАКЛАР (22. 05 — 21. 06)
Бугунга режалаштирилган ишларни зинҳор бошқа кунга қолдира кўрманг. Гарчи сизга кутилмаганда ўта сердаромад иш таклиф этишган тақдирда ҳам ҳозирги ишлардан воз кечмай туринг. Оила қурмаган бўлсангиз, муҳаббатда омадингиз кулади. Ҳатто рақибингиз ҳам борлигидан хабар топасиз. Лекин севги бобида дуч келадиган рақибларни сукут сақлаш йўли билан енгиш мақсадга мувофиқ бўлади. Соғлиғингизни эҳтиёт қилинг.
ҚИСҚИЧБАҚА (22. 06 — 23. 07)
27 сентябр куни сизга қўшимча даромад келтирувчи иш таклиф этишлари мумкин. Рози бўлиш-бўлмаслик сизнинг ихтиёрингизда. Кечқурун шаҳарда яшайдиганлар кино ёки театрга оилавий бўлиб тушишлари хайрли кечади. Куннинг иккинчи ярмида саломатлигингизни мустаҳкамлаш ҳақида қайғурсангиз яхши бўларди. Мабодо шамоллаш аломатлари сезилса, врач кўригидан ўтишингизга тўғри келади.
АРСЛОН (24. 07 — 23. 08)
Бугун юлдузлар сизга ишларингизда унум, мўмай даромад, муҳаббатда чексиз муваффақиятларни ваъда қилишган. Фақат буни тақдир инъомига йўйманг. Куннинг иккинчи ярмида дўстларингиздан бири билан жанжаллашиб қолишингиз кутилади. Кечқурун тоза ҳавода сайр қилинг. Эрталаб кўчага чиқишда об-ҳавонинг авзойига қараб кийинишингиз тавсия этилади. Кўнгли қора одамлар билан иложи борича мулоқот қилманг.
ПАРИЗОД (24. 08 — 23. 09)
27 сентябр сиз учун тушунарсиз, мавҳум кундек туйила бошлайди. Уйда жуфтингиз, ишда раҳбарингиз билан сен-менга боришингиз эҳтимоли бор. Иш сифатига алоҳида эътибор беринг. Телефон орқали соатлаб гаплашманг. Ана шунда раҳбарларнинг ғазабига йўлиқмайсиз. Молиявий масалада аҳволингиз ҳар кунгидан яхшироқ бўлади. Кечқурун дўкон айланиб, хоҳишингизга мос буюмлар харид қилишингиз мумкин. Сурункали хасталикка йўлиққанлар доимий тарзда саломатликларини назорат қилсинлар.
ТАРОЗИ (24. 09 — 23. 10)
Шахсий ҳаётда дадил қадамлар ташлаган ҳолда иккиланишларсиз ҳаракатлар содир этинг. Ҳар қандай вазиятда ҳам кўнгилсизликлар сизни четлаб ўтади. Оила қурмаганларнинг айримлари шуни билсинларки, танлаганингиз сизни росманасига севади. Демак, тўй ҳаракатига тушсангиз ҳам зиён бўлмайди. Уйдагилар билан уй олди-сотдиси масаласида жиқиллашиб қолишингиз мумкин. Кечқурун сизни кутилмаган совға кутади.
ЧАЁН (24. 10 — 22. 11)
27 сентябр куни ҳаракатларингиз бошқа кунлардагига нисбатан янада фаолроқ кечади. Атрофдагилар билан мулоқотда дипломатларча муносабат турини танланг. Ижодкор бўлсангиз, ҳар қачонгидек қалб амрига бўйсунган ҳолда қалам тебратинг. Буюртмали ижоддан қочинг. Агар иш жойингизда мўмай даромад олиш ниятида бўлсангиз, иш сифатини ва миқдорини оширинг. Соғлиқ бугун сиз учун биринчи ўринда бўлиши шарт. Аммо халқона усуллар ёрдамида муолажалар бошламанг.
ЎҚОТАР (23. 11 — 21. 12)
Яқинларингизга нисбатан муносабатларда бардош ва эътиборни йўқотиб қўйманг. Шундоқ ҳам ишингиз кўплиги туфайли яқинларингиз билан кам кўришасиз. Рўзғорингизда ҳам арзирли муаммолар йиғилиб қолгани аниқ. Уларни жуфтингиз билан бамаслаҳат бартараф этсангиз, фойдадан холи бўлмайди. Саломатликка путур етказувчи ҳаракатлар содир этманг.
ТОҒ ЭЧКИСИ (22. 12 — 20. 01)
27 сентябр куни кайфиятингиз аъло даражада бўлиши кутилади. Шунинг учун бўлса керак эрталабдан дуч келган билан суҳбат қургингиз келаверади. Ишда ҳам юқори лавозим олишингиз тайин бўлиб турибди. Куннинг иккинчи ярмида соғлиғингизни бир кўрикдан ўтказиб қўйишингиз керак бўлади. Кечқурун тоза ҳавода сайр қилиб, оила даврасида қизиқарли суҳбатлар ташкил этинг.
ҚОВҒА (21. 01 — 19. 02)
Молиявий аҳволингиз вақтинча бўлса-да, юқори даражада бўлади. Бундан бошингиз осмонга етади ва дўкон айланиб ажойиб харидларни амалга оширасиз. Экзотик таомлардан бош тортинг, заҳарланиб қолишингиз эҳтимоли бор. Шахсий ҳаётингизда учрайдиган кўнгилсизликларни йўқ қилинг, акс ҳолда бошингиз ташвишдан чиқмай азобланиб юрасиз. Муҳаббатда ошиғингиз олчи.
БАЛИҚ (20. 02 — 20. 03)
27 сентябр куни балиқ буржида туғилганлар тушга қадар ўзгалар муаммоларини бартараф этиш билан банд бўлишлари мумкин. Ғийбатларга сира эътибор қилманг. Профессионал касбингиз доирасида билимларингиз ва малакани янада ошириш ҳаракатида бўлинг. Тижоратчилар эса бугундан мўмай даромад кутмасалар ҳам бўлади.
Манба: Hordiq.uz “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рақобат қўмитаси биржада Аи-80 бензини бошланғич нархига чеклов ўрнатди
Блинкен Исроилдан учта муаммони ҳал этишни талаб қилди
НАТО бош котиби Украинанинг фронтдаги аҳволи ёмонлашганини тан олди
Ҳар қандай катта ёшдаги киши етук эмас
Шавкат Мирзиёев: “Фаластинлик болалар ва аёлларни беғараз даволашга тайёрмиз”
Боррел ЕИнинг Исроил билан мулоқотини тўхтатишни таклиф қилди
Эрдўғон Туркия Исроил билан алоқаларини узганини маълум қилди
Рууд ван Нистелрой ва яна уч мураббий “Манчестер Юнайтед”ни тарк этди
