Кучли хотира сири аниқланди

Канаданинг Ватерлоо университети олимлари овоз чиқариб ўқиш киши хотирасини кучайтиради деган қарорга келдилар.

Ўтказилган тадқиқотда иштирок этган 95 киши ёзилган маълумотларни 4 усул: овоз чиқармай ўқиш, овоз чиқариб ўқиш, ўз овозини ёзиб олганча эшитиш, биров ўқиган маълумотни эшитиш орқали эслаб қолишга ҳаракат қилдилар. Натижалар эса овоз чиқариб ўқиш барча усуллардан самаралироқ эканлигини кўрсатди.

Тадқиқотчилар бирор маълумотни эслаб қолишда унга фаол ҳаракат ҳам қўшилса, натижа кучлироқ бўлишини қайд этдилар, дейилади хабарда.