13:23 / 06.02.2018
23 173

Мунажжимлар башорати: Савр (21 апрель – 21 май) буржи вакилларини 2018 йилда нималар кутмоқда?

Мунажжимлар башорати: Савр (21 апрель – 21 май) буржи вакилларини 2018 йилда нималар кутмоқда?
Умумий башорат
2018 йил “Савр”лар учун кўплаб қизиқарли лаҳзаларни тайёрлаган, лекин бу бурж вакиллари биринчи навбатда ўз саломатлигига эътибор қаратишлари лозим. Чунки соғлиқ йил бошиданоқ панд бериши мумкин. Танага келган ушбу “огоҳлик чақируви”га жиддий қаралмаса, касаллик оёқда юриб, ўтказилса, тез орада шифохона эшигини излаб қолиш ҳеч гапмас.

Даволанишни кейинга қолдириш шунчаки ўтиб кетмайди, куч-қувват тўплаш учун анчагина маблағ ҳам сарфлашга тўғри келади. “Савр”ларга иш ва дам олиш режасини пухта тузиб олишни, кучларини беҳудага сарфламасликни, ҳар нарсага ҳам асабийлашмасликни, кўпроқ тўйиб ухлашни маслаҳат берамиз.

“Савр”лар учун биринчи ўринда албатта, оила туради. Бу бурж вакиллари оила ришталарини мустаҳкамлашни эплайди. Хонадонида ҳам қулай шароит яратиб қўяди. Оила, хонадон улар учун қўрғон, таянч, жисман ва руҳан дам оладиган тинч бандаргоҳ кабидир. “Савр”лар ўжар, қайсар бўлсалар ҳам, хонадонини яхшилаш учун кучини аямайди. Оилада яхши турмуш ўртоқ бўла олади. Шу билан бирга, жуфтларидан ҳам шуни талаб қилади. Севимли ёри учун ҳар қандай экспериментларга тайёр турадиган “Савр”лар уларни доим ҳайратлантиришга, хурсанд қилишга, ғамхўрлик кўрсатишга интилади. Статистика маълумотларига кўра, бу бурж вакилларида ажралишлар кам бўлар экан. Улар учун яқинларининг қўллаб-қувватлаши, зарур бўлганда бериладиган дўстона маслаҳатлари жуда муҳим.

Ёз келиши билан янги молиявий ҳаракатлар эвазига ҳаётларини яхшилаб олишга имкон бўлади. Қўшимча даромад келиши билан хорижга саёҳатга отланишлари мумкин. Унча яқин бўлмаган одамларга қарз бермаганингиз маъқул. Акс ҳолда уни қайтариб олиш жуда қийин бўлишини унутманг! Йил давомида молиявий ўсиш ва пасайишлар бўлиб туради.

Карьерада натижага эришиш учун “Савр”лар кўпроқ меҳнат қилишларига тўғри келади.

“Савр”ларнинг санъат асарларига, чиройли буюм­ларга, гўзалликка меҳри ўзгача. Шу сабабдан улар орасида дизайнерлар, санъатшунослар, коллекционерлар кўпроқ етишиб чиқади. Уйларидан ҳам қадимий санъат намуналарини топиш мумкин.

ШАХСИЙ ХАЁТ

“Савр”лар табиатан ўта қизиққон бўл­ади. Улар баъзан аҳмоқона ишларга ҳам қўл уришлари мумкин. Ҳис-туйғулар жиловига тушиб қолмасликни, унинг ўрнига ақлга таяниб иш кўришни маслаҳат берамиз.

2018 йилда “Савр”лар ўз устида қаттиқ ишлайди, феълида яхши томонга ўзгаришлар бўлади, яъни улар эътиборли, мулойим, хушмуомала одамга айланади. Муҳаббат бобида ҳам жиддий ва давомли муносабатларни истаб қолади. Бу эса янги ҳамроҳларини ўзига мафтун этади. Эрта баҳорда юз берадиган янги танишув тезда муҳаббатга айланади.

Янги ёш оилалар фарзандли бўлиш хушхабарини эшитади. “Савр”лар яхши ота-она, улар болаларига қаттиқ боғланган бўлади.

Шу билан бирга, кузга бориб, “Савр”лар чуқур депрессияга тушиши мумкин. Бундай пайтда уларга яқин қариндошлари ёрдам беради. Хафагарчилик уларнинг кўнглида чуқур асорат қолдиради. Кучли асабийлашиш соғлигига салбий таъсир қилиши мумкин.

Йил охирида “Савр”ларни яна янги танишувлар кут­моқ­да. Албатта, “Савр”лар энди унга эҳтиёткорлик билан муносабатда бўлади, чунки бир марта оғзи куйганлари бўлиши мумкин.

САЛОМАТЛИК
2018 йил саломат­лик борасида за­рарли одатлари бўл­маган, тўғри ов­қат­ланадиган, спорт билан шу­ғул­ла­на­диган бурж вакилларинигина хурсанд қилади. Агар вазият аксинча бўлса, демак соғликка жиддий эътибор бериш вақти келди. Организмдаги кичик муаммони ҳам писанд қилмаслик касалликка олиб келади, уни даволаш эса қийин кечади. Биринчи зарбани юрак олиши мумкин. Кўкракда оғриқ сезилиши билан даволанишга киришинг.

Тишларингизга ҳам эътибор қара­тинг. Улар билан жиддий муаммо бўл­ма­са-да, шунчаки шифокор кўригидан ўтиб қўйинг.

КАРЬЕРА

“Савр”лар ҳақиқий меҳнат­каш­лардир. Улар орасида ишёқмас­лар кам топилади. Ушбу бурж остида туғилганлар берилган вазифани вақтида бажариш учун тунлари ухламай чиқишлари мумкин. Бу уларнинг ишга масъулият билан ёндашишларидан дарак беради.

“Савр”лар 2018 йилда ишда баланд марраларни эгаллагиси келади. Бу учун қаттиқ меҳнат қилади, молиявий аҳволини яхшилашга уринади. Бурж вакиллари ўта меҳнаткаш, жуда масъулиятли ва тартиблидир. Шунинг учун уларнинг меҳнати раҳбарият томонидан муносиб баҳоланади. Улар юқори лавозимга интилмайди, уларга ўртача раҳбарлик етарли. “Савр”лар қўшимча вазифаларни бажаришдан қочмайди. Йил сўнггида уларни янада нуфузлироқ ва маоши юқори бошқа иш таклифи кутмоқда. Янги иш янги яшаш жойига кўчишга ҳам сабаб бўлиши мумкин.

Шунингдек, “Савр”лар ишхонада, жамоат жойларида доим чиройли кўринишда бўлишни яхши кўради. Баъзан қиммат кийимларни сотиб олишга қурби етмаса-да, ташқи кўриниши бенуқсон бўлишига ҳаракат қилади, уст-боши ва пойабзалларини озода тутади.

АЁЛ "САВР"ЛАР УЧУН

“Ит” йили аёл “Савр”лар учун омадли ўтади. Улар ни­ҳоят ўз қаллиғини учратишади. Аввалига у ҳаётида қандай роль ўйнаши тушунарсиз бўлади, лекин муносабатлар узоққа чўзилади. Янги севги-муҳаббат ва дўстона муносабатлардан аёл “Савр”лар ўзларини кўкларга парвоз қилаётган қушдек ҳис қилишади.

Қишга яқин оилали “Савр”лар оила ва фарзандларига эътиборли бўлишади. Баъзилари ҳатто ишдан бўшаб бўлса-да, оиласига эътибор қаратишади. Бундан эса оила янада мустаҳкам бўлади.

ЭРКАК “САВР”ЛАР УЧУН
Эркак “Савр”лар 2018 йилда соғлигига эътибор қаратиши тавсия қилинади.

Йилнинг иккинчи ярмида бурж вакилларининг молиявий аҳволи бироз ёмонлашиши мумкин. Бу уларнинг шошқалоқлиги оқибатида юз беради. Молиявий танглик атрофдаги инсонлар билан муносабатларга ҳам салбий таъсир қилади.

Эркак “Савр”ларнинг ўзига хос хусусиятларидан бири — уларнинг ишончли эканидир, яъни уларга ишониш мумкин. Ушбу бурж вакиллари, шунингдек, ҳамма ишда тартибни хуш кўрадилар. Улар бутун ҳаётини орзусидаги муҳит ва шароитни нафақат ўзи учун, балки яқинлари, оиласи учун яратишга сарфлашлари ҳам мумкин.

Шунингдек, улар бироз дунёпараст бўлади. Карьерада ҳам, шахсий ҳаётда ҳам доим бирор нарсанинг эвазига ҳақ олишга уринади. Эркак “Савр”лар қизиққон ва журъатлидир. Бирор ишни бошлашса, ирода билан уни охирига етказади. Улар бошқалардан ёрдам кутмайди. Фақат ўзларига ва кучига таянади. Лекин агар ишнинг натижаси моддий даромад олиб келмаса, охирига етказишлари амримаҳол.

Эркак “Савр”ларнинг кучли жиҳатлари: ишончлилик, сабр­лилик, меҳнаткашлик, оилапарварликдир.

Манба: darakchi.uz

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Ҳаёт учун » Мунажжимлар башорати: Савр (21 апрель – 21 май) буржи вакилларини 2018 йилда нималар кутмоқда?