Оғриқли савол

Қадрдонларимиздан бири менга савол бериб қолди:

– Дейлик, сиз бир юртга мусофир бўлиб бордингиз. “Бу ерда яхшигина даромад топиб ишлашингиз мумкин. Қанча жон куйдириб, кечаларини кеча, кундузларини кундуз демай ишласангиз шунча кўп топасиз, миллонлаб доллар бўлар балки!? Аммо бир шарт билан, яъни, қайтаётганингизда бор топганингизни ташлаб кетасиз” дейилса, не қилган бўлардингиз?

Жавобга ўйланиб ўлтирмадим.

– Жон куйдирмай, куним ўтиши учунгина ишлардим, – дедим. – Ва ҳар бир ақлли ҳам шундай деган бўларди.

Савол яна давом этди:

-Унда айтингчи, бу мусофир юртда, эртами, ё индин қайтишимиз, топганларимизни ташлаб кетишимиз аниқ бўлган ёлғон дунёда бу қадар ҳориб ишлашларидан манфаат не!?

Бирор сўз айтолмадим, лом-мим ҳам деёлмадим. Мен жавоб тополмадим. Сиз-чи!?

Манба: Azon.uz “Замин” янгиликларини “Telegram”да кузатиб боринг