Ростгўйлик иймон мевасидир

Тўғри сўзлик ҳар қандай ҳолатда ҳам гапнинг ростини айтиш, тўғри гувоҳлик бериш мусулмон ахлоқининг энг зарур сифатларидан биридир. Аллоҳ таоло тўғри сўз, ҳаққоний сўзлайдиган бандаларни даражасини кўтариб, уларни мақтайди. Аксинча ёлғон сўзлайдиган ёлғон гувоҳлик берадиган кимсаларни қаттиқ қоралайди.

Аллоҳ Қуръони Каримда шундай марҳамат қилади: “Эй мўминлар, Аллоҳдан қўрқинглар ва рост сўзланглар. Шунда Аллоҳ ишларингизни ўнглайди ва гуноҳларингизни мағфират қилади. Ким Аллоҳ ва Расулига итоат этса, демак у улуғ ютуққа эришибди”. (“Аҳзоб” сураси, 70-71-оятлар)

Гапга ёлғон-яширинни қўшиб гапириш, ҳақиқатни яшириб, бошқаларга зулм кўрсатиш энг қабиҳ иллатлардандир. Бундайларга қарата Аллоҳ таоло Қуръони Каримда шундай марҳамат қилади: “Ҳақни ботил билан аралаштирманг ҳамда била туриб ҳақиқатни яширманг”. (“Бақара” сураси 42-оят)

Расулуллоҳ саллоллоҳу алайҳи ва ссаллам шундай марҳамат қилади: “Гуноҳларга пушаймонда, надоматда бўлиш – айни тавбадир”. (Имом Аҳмад ва ибн Можа ривояти).

Расулуллоҳ саллолоҳу алайҳи ва саллам шундай марҳамат қиладилар: “Ҳар бир одам боласи хатокор ва хотокорларнинг энг яхшиси Аллоҳга тавба қилиб, истиғфор айтгувчилардир”. (Имом Термизий, Имом Аҳмад ва ибн Можа ривояти).

Аллоҳ таоло сени тавба қилишга муваффақ қилиши, тавбангни қабул бўлганидан далолатдир. Аллоҳ таоло ҳар биримизни гуноҳларимизга тавба қилиб улгуришимизни насиб қилсин, Аллоҳ таоло марҳаматли ва раҳмли Зотдир.

Манба: Azon.uz “Замин” янгиликларини “Youtube”да кузатиб боринг