Дастхатингиз сиз ҳақингизда сўзлайди

Менга дастхат беринг! Ҳа, адашмадингиз. Дастхатингиз керак! Нега дейсизми? Бу орқали Сиз ва сизнинг феъл-атворингиз ҳақида билиб олмоқчимиз. Психологларнинг олиб борган илмий тадқиқотлари нечоғли ҳақиқатга яқин билмадиг-у, аммо бу орқали ўзингизга, табиатингизга бир қур назар ташлаб олиш, айрим кичик камчиликларингизни тўғрилаш имкони ҳали ҳам борлигини эслатиб қўймоқчимиз.

Сиз қандай имзо чекасиз?

— Имзо ўлчамингиз катта-катта бўлса, фикрлаш доираси кенг, кичик бўлса, бир сўзли инсонсиз.

— Узун имзо – синчков, баъзан мижғов.

— Калта имзо – гапнинг мағзини тезда чақади, бир хилликни ёқтирмайди.

— Думалоқ – ювош, меҳрибон, оғир-вазмин.

— Бурчаксимон – бетоқат, жиззаки, инжиқ.

— Ҳарфлар орасидаги оралиқ катта бўлса сахий, пул сарфлашни яхши кўради.

— Ҳарфлар зич ва майда бўлса, тежамкорликни билдиради.

— Ҳар-хил элементларга бой имзо, масалан, айлана – бир қатор муаммолари бор, илмоқчалар – эҳтиёткор ва қатъиятли, расмлар – ҳар бир ишга ижодкорона ёндашади, мураккаб элементлар – катта лавозимларни кўзлайди.

— Имзодаги якуний элемент юқорига бўлса, ҳаётдан рози; пастга – тушкунликка мойил; тўғрига – феъл-атвори ўртачаликни билдиради.

— Имзодаги “дум”лар узун бўлса, демак бировнинг фикрини эшитишга тоқати йўқ, калта бўлса, юраги тор.

— Оддий имзо эгаси “муаммо йўқ” қабилида яшайди, бачкана имзо қўювчилар пашшадан фил ясайдиган бўлишади, оригинал имзога эгалар катта ижодий салоҳиятга эга бўлади.

— Имзо қанчалик тушунарли бўлса, эгаси ҳам шу қадар очиқ кўнгил бўлади. “Замин” янгиликларини “Facebook”да кузатиб боринг