Уй шароитида қош ва киприкларни қалинлаштирувчи оддий усуллар

^{Фото: Getty Images}
Ким ҳам қалин қош ва киприкларга эга бўлишни хоҳламайди дейсиз? Ҳозирда бу муаммо эмас. Косметолог муолажаларисиз қош ва киприкларни қалинлаштирувчи усуллар ҳақида маълумот берамиз.

Косметик ёғлар
Канакунжут, чакамуғ, бодом, кокос ёки зайтун мойлари соч ўстиришда ва қалин қилишда жуда яхши самара беради. Бу ёғларни фақат сочларга эмас, балки қош ва кирпикларингизга ҳам суртишингиз мумкин. Бунинг учун қулоқ тозалагич ёки махсус чўткадан фойдаланинг.

Балиқ мойи
Ушбу маҳсулот косметик мақсадларда ҳам тез-тез ишлатилади. Киприк ва қошларни қалинлаштириш учун балиқ мойидан фойдаланишингиз мумкин. Бироқ унинг ўзига хос ҳидга эга эканлиги, баъзан эса аллергик реакцияларни келтириб чиқариши мумкинлигини унутманг.

Қошларни массаж қилиш ва тараш
Қошларни массаж қилиш ва тараш натижасида қон айланиши яхшиланади, яъни қош илдизи мустаҳкамланади ва интенсив равишда ўсишни бошлайди. Ушбу муолажаларни амалга оширишда махсус крем ёки фаоллаштирувчи зардобдан фойдаланиш натижани янада яхшилайди.

Пудра ва тушь ёрдамида
Бундай усул билан киприклар фақат ташқи кўринишидангина қалин кўринади. Шунчаки, туш суртишдан аввал киприкларингизга пудра теккизиб чиқинг. Максимал натижага эришиш учун косметик воситани 10-15 дақиқа оралиғида икки қават қилиб суртинг.

Қалам ва тендан фойдаланиш
Қалам ёки тен ёрдамида қошларнинг ўсиш йўналиши бўйлаб бир текисда чизиб чиқинг. Табиий кўриниши учун қошингизнинг асл рангидан тўқлаштириб юбормасликка ҳаракат қилинг. “Замин” янгиликларини “Facebook”да кузатиб боринг