Марям Тиллаева блогер Амиран билан тўйи ҳақида: Бу кун ҳақида бутун умр орзу қилгандим

^{Фото: Instagram / @mashatilly}
13 апрель куни Лас-Вегасдаги меҳмонхонада Ислом Каримовнинг невараси Марям Тиллаева ва россиялик блогер Амиран Сардоровнинг тўйи бўлиб ўтди. Тор доирада ўтказилган тўйда келин-куёвнинг яқин дўстлари иштирок этган.

Амиран ва Марям ижтимоий тармоқлардаги саҳифаларида тўйдан суратларини эълон қилиб, ўз таассуротлари билан бўлишмоқда.

pic.twitter.com/cs57QFVwj2

— Shukhrat (@bankir2102) April 15, 2021

«Мен кеча уйландим. Бармоғимизга узук тақиб, ‘Энди сизлар эр-хотинсизлар’ дейишса, ичимизда нима ўзгариши менга доим қизиқ бўлган. Айтишим мумкинки— ҳеч нарса ўзгармас экан. Никоҳимизни Лас-Вегасда Элвис Пресли қайд этди. Ҳаммаси жуда тез бўлганидан мен ҳеч нарсани тушуна олмадим. Энди Маша (Марям) билан бу амалиётда қандай ишлашини ҳамда узоқ ва бахтли яшаш мумкинлигини тушунишга ҳаракат қиламиз», — деб ёзди Амиран.

^{Фото: Instagram / @mashatilly}
Марям Тиллаева эса бу кунни бутун умр орзу қилгани ҳақида сўзлаб берди:
«Бу кун шундай оддий ва қўққисдан келади, деб тасаввур ҳам қила олмасдим. Амиран, мен сени севаман! Кичкина қизчадек бу кун ҳақида бутун умр орзу қилганман. Ва... Элвис Пресли, дўстлар, 13-сана, Yeezy кроссовкаси ҳамда жуда кўп кўз ёшлар...».

^{Фото: Instagram / @mashatilly}
Маълумот учун, бизнесмен Тимур Тиллаев ва Лола Каримованинг тўнғич фарзанди Марям 7 йил аввал АҚШга, ўқиш учун кўчиб кетган. У ҳозирда ўзининг шахсий кийим брендига асос солиш устида иш олиб бормоқда. Россиялик YouTube-блогер Амиран ҳам АҚШда яшайди. Улар ижтимоий тармоқлардаги саҳифаларига бир неча марта бирга тушган сурат ва видеоларини жойлаштирган бўлса-да, муносабатлари ҳақида очиқ гапирмаган эди. “Замин” янгиликларини “Инстаграм”да кузатиб боринг