Фото: Marie Claire
Соч саломатлиги учун тўғри овқатланишдан муҳимроқ нарса йўқ. Агар сиз қуйидаги маҳсулотларни рационга киритмаган бўлсангиз, буни қилиш вақти келди.
Ҳар бир аёл қалин, ёрқин сочларни орзу қилади. Бизнинг маслаҳатимиз рационингизни қайта кўриб чиқиш орқали мақсад сари ҳаракат қилишни бошлашдир. Қандай маҳсулотлар сочларга гўзаллик ва куч бағишлаши мумкинлигини бюти-блогер, қаришга қарши турмуш тарзи бўйича мутахассис Анна Бортейчук маълум қилди.
Аёлларда заиф сочларнинг энг кенг тарқалган сабаби иккита муаммонинг комбинацияси: оқсил етишмаслиги ва темир танқислиги. Шунинг учун рационни таҳлил қилиш билан бошлаш керак бўлган биринчи нарса, етарли миқдорда оқсил истеъмол қилаётганни баҳолашдир.
Қизил гўшт (қўй, мол гўшти)
Фото: Marie Claire
Хайз кўриш туфайли аёл организми темирнинг маълум фоизини йўқотади. Агар у етарли миқдорда озиқ-овқат билан таъминланмаган ва ичакларда гастрит, яллиғланиш бўлса, кислород етказиб бериш учун масъул бўлган гемоглобиннинг пасайиши билан бирга темир танқислиги анемияси ривожланиш хавфи мавжуд.
Бундай шароитда қон айланиши бузилади, бунинг натижасида соч фолликулалари етарли миқдорда озуқа ололмайди, толалар муддатидан олдин ўла бошлайди ва сочлар сийраклашади. Темирнинг ягона тўлиқ манбаи қизил гўштдир. Туғиш ёшидаги аёллар уни ҳафтасига 2-3 марта истеъмол қилишлари керак.
Бедана тухумлари
Фото: Marie Claire
Оқсил ва темирнинг яна бир муносиб манбаи — бедана тухумлари. Улар товуқникидан кўра кўпроқ микроэлементларга бой, шунинг учун уларга эътибор бериш керак. Бедана тухумида, шунингдек, ёғ алмашинуви учун зарур бўлган омега-3 ва E витамини мавжуд.
Творог
Фото: Marie Claire
Творог — оқсил ва кальцийнинг яна бир ажойиб манбаи бўлиб, сочларнинг кучли ва соғлом ўсишига ёрдам беради. Эрталаб ёки кечқурун 100-150 грамм янги творог истеъмол қилиш натижасида сочлар юмшоқ, эластик ва ипакдек майин бўлади.
Анор
Фото: Marie Claire
Маҳсулотлардан темирнинг сўрилиши учун кофакторлар — биокимёвий реакцияларнинг тўғри бориши учун зарур бўлган витаминлар муҳим аҳамиятга эга. Бунда C витамини муҳим рол ўйнайди. Анор меваси антиоксидант E, C, А витаминларига бой.
Шикастланган сочларни тиклаш учун вақти-вақти билан анорни рационга киритиш, унинг ажойиб таъмидан баҳраманд бўлиш кифоя. Шифокорлар кунига 250 граммгача меванинг юмшоқ қисмини истеъмол қилишни ёки 300 мл гача шарбат ичишни тавсия қилади.
Аммо эҳтиёт бўлиш керак: анор таркибида тиш эмалига салбий таъсир кўрсатадиган кислоталар мавжуд. Анор шарбатини трубочка орқали ичиш яхшидир. Мева истеъмол қилингандан кейин оғизни илиқ сув билан ювиш лозим.
Зиғир уруғлари
Фото: Marie Claire
Зиғир уруғлари рух ва миснинг ажойиб манбаи бўлиб, улар сочларнинг эрта оқариб кетишининг олдини олишда муҳим аҳамиятга эга. Омега-3 нинг юқори миқдори туфайли улар ҳам аёлларнинг гормонал фонига ижобий таъсир кўрсатади, ёшликни сақлаб қолади.
Сабзи
Фото: Marie Claire
Сабзи каротеноидларнинг қимматли манбаи бўлиб, терининг ҳолатини ва ҳужайралар овқатланишини яхшилайди. Ушбу моддалар таъсирида сочлар табиий порлайди, камроқ мўрт ва қуруқ бўлади.
Сабзи илдизида кўп миқдорда C ва E витаминлари мавжуд. Ҳар куни 200 грамм сабзавот истеъмол қилиш соч ўсиши ва сифатини сезиларли даражада яхшилаш, соч тўкилишининг олдини олиш мумкин.
Бироқ А ва E витаминлари фақат ёғлар билан биргаликда сўрилишини унутманг. Майдаланган сабзи билан салатга бир қошиқ ўсимлик ёғи ёки сметана қўшилганига ишонч ҳосил қилиш лозим.
Жигар
Фото: Marie Claire
Жигар B12, биотин ва бошқа B витаминларига бой бўлиб, улар ҳужайра метаболизмида муҳим рол ўйнайди. Улар сочларнинг бўлиниши ва қуруқлигининг олдини олади, табиий порлаш учун жавобгардир.
Зайтун мойи
Фото: Marie Claire
Кератиннинг соч толасида мустаҳкам туриши учун сочни ўраб турган липидлар муҳим аҳамиятга эга. Зайтун мойи кўп тўйинмаган ёғли кислоталарнинг ажойиб манбаидир. Улар метаболик жараёнларни рағбатлантиради, бош терисини озиқлантиришни яхшилайди.
Атиги кунига 2 ош қошиқ истеъмол қилинган мой бир ой ичида сочларнинг ҳолатини яхшилайди, уларни кучлироқ ва ёрқинроқ қилади. Ёғни салатлар ёки донлар билан татиб кўриш мумкин.
Зайтун мойи туфайли сочларнинг тузилиши мустаҳкамланади ва сочнинг юзасида уни ташқи омилларнинг, шу жумладан, ультрабинафша нурланишининг зарарли таъсиридан ҳимоя қилувчи плёнка ҳосил бўлади. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
БААда исроиллик раввин ўлдириб кетилди
Украина Курск областида эгаллаб олган ҳудудларининг 40 фоиздан ортиғини йўқотди
Медведев: Махсус ҳарбий операция учун қуролларнинг аксарияти Россияда ишлаб чиқарилади
Шавкат Мирзиёев Янгиҳаётда барпо этилаётган “Янги авлод” махсус саноат зонасида бўлди
Германиялик фермернинг сигири тўртта бузоқ туғди
Бой давлатлар иқлимни молиялаштиришни оширишга рози бўлди
Украина ўзининг баллистик ракетасини яратиш устида иш олиб бормоқда
Европа Иттифоқи ва АҚШ «учинчи дунё»га экология учун йилига $300 млрд бермоқчи
