Марказий Осиё давлатлари Грузиядан Ғарбга муқобил йўлак сифатида фойдаланмоқчи

^{Фото: Инфотранс}
Тез орада Грузия ва Туркманистон ўртасида тўғридан-тўғри рейслар йўлга қўйилади, туркман юклари Грузия темир йўли ва портлари ёрдамида Ғарбга ташилади. Бу ҳақда «Коммерсантъ» хабар бермоқда.

Грузия бош вазири ўринбосари, иқтисодиёт ва барқарор ривожланиш вазири Леван Давиташвилига кўра, транспорт соҳасида ҳамкорлик бўйича Грузия-Туркманистон келишуви имзоланган.

«Кимё ишлаб чиқариш ривожланган» Туркманистон Ғарбга ўғитлар экспорт қилиш учун Грузия транспорт-логистика инфратузилмасидан фойдаланишдан манфаатдор.

Давиташвилининг сўзларига кўра, Жанубий Кавказ йўлаги бўйлаб Каспий денгизи, Озарбайжон, Грузия, Қора денгиздаги Поти ва Батуми портлари орқали Европа Қора денгиз портларига бир неча миллион тонна қўшимча юк ҳақида гап кетмоқда.

- Бундан ташқари, нефть ва нефть маҳсулотларини ташиш бўйича келишув мавжуд, - деди вазир.

Бир кун аввал — 19 июлда бош вазир Гарибашвили Ўзбекистонга ташриф буюрди ва анъанавий ўзбек товарлари транзити учун Жанубий Кавказ йўлагидан фойдаланиш бўйича ҳам шундай келишувга эришилди.

Украинадаги уруш туфайли Россия орқали ўтадиган транспорт йўллари муаммога айланганидан кейин Марказий Осиё давлатлари ушбу йўлакдан фойдаланишга мажбур бўлди.

Сўнгги олти-саккиз ҳафта ичида «Грузия темир йўли» бир неча йил ичида биринчи марта Қозоғистон нефти ва бошқа Марказий Осиё давлатларидан юк ташиш ҳисобига даромад келтирди.

Грузия—Озарбайжон чегараси яқинидаги назорат-ўтказиш пунктларида юк машиналарининг кўп километрлик навбатлари пайдо бўлган.

Марказий Осиёдан жўнаб кетаётган юк машиналарининг бир қисми Грузия чегарасини кесиб ўтиш учун бир неча ҳафта кутишга тўғри келади ва Жанубий йўлак бўйлаб Туркияга, у ердан Европага йўл олади. “Замин” янгиликларини “Twitter”да кузатиб боринг