Хитойнинг технологик гиганти Alibaba Group сунъий интеллект ва булутли технологияларни ривожлантириш учун $53 миллиард инвестиция киритишини эълон қилди. Ушбу маблағ кейинги уч йил ичида ажратилади, бу эса компаниянинг сўнгги ўн йилдаги умумий сармоясидан кўпроқдир.
Alibaba бош директори Эдди Ву сунъий интеллектни "бир авлодга бир марта бериладиган имконият" деб атади, ва компаниянинг келажакдаги стратегияси AGI (умумий сунъий интеллект) яратишга қаратилган.
Булутли технологиялар Alibaba AI бўлимининг асосий даромад манбаи бўлиб қолмоқда. Булутли хизматларга талаб тез ўсмоқда, натижада Cloud Intelligence Group’нинг даромади ўтган йилга нисбатан 11% ошди, сунъий интеллект маҳсулотлари эса кетма-кет олтинчи чоракда уч хонали ўсиш кўрсатмоқда.
Alibaba AI’ни бутун экотизимига интеграция қилишни режалаштириб, э-тўлов, корпоратив хизматлар ва истеъмолчи дастурларида ишлатилишини кенгайтиришни мақсад қилган. Компания фойдаланувчи тажрибасини яхшилаш ва бизнес жараёнларини оптималлаштириш учун "AI томонидан бошқариладиган фойдаланувчи" моделини жорий қилмоқда.
Яқинда Alibaba Qwen 2.5 тил модели янгиланган версиясини тақдим этди, у South China Morning Post маълумотларига кўра, Хитойда етакчилик қилмоқда ва жаҳон рейтингида OpenAI ва Anthropic’дан кейин учинчи ўринни эгаллади. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
