Ўзбекистонда инфляция пасайишда давом этмоқда

2025 йил апрел ойида Ўзбекистонда инфляция даражаси 0,7% ни ташкил этди, деб UPL.uz сайти хабар берди. Бу кўрсаткич сўнгги беш йил ичида апрел ойи учун энг паст даражадир. Масалан, 2024 йил апрелида инфляция 0,93%, 2023 йилда — 0,82%, 2022 йилда — 1,47%, 2021 йилда — 1,53%, 2020 йилда эса — 1,7% ни ташкил этган.

Йиллик инфляция ҳам пасайишда давом этмоқда. 2025 йил мартда 10,3% ни ташкил этган бўлса, апрел ойида 10,1% гача тушди. Бу эса мамлакатда нархлар ўсиш суръатининг секинлашаётганини кўрсатади.

Товарлар ва хизматлар бўйича эса қуйидагича ўзгариш кузатилди. Апрел ойида озиқ-овқат маҳсулотлари 0,8% га, ноозиқ-овқат товарлари 0,4% га қимматлашди. Тўловли хизматлар эса 1% га ошган.

Ўзбекистондаги инфляция кўрсаткичи айрим Марказий Осиё давлатларига нисбатан паст бўлди. У ерда ойлик инфляция 1% дан юқори бўлган. «Замин»ни Telegram’да ўқинг!