Нефть нархининг пасайиши ортидан рубль сезиларли қадрсизланади. Шу сабабли таҳлилчилар Россия Марказий банки раҳбари Эльвира Набиуллинанинг нефть нархи 25 долларгача тушиб кетиши фалокатли деб ҳисобланмаслиги ҳақидаги баёнотига изоҳ бердилар, деб ёзади Кун нашри.
«Нефть нархининг 25 долларгача тушиб кетиши сценарийси юз бериши эҳтимоли кам, бироқ ҳозир замон шундайки, энг ақлбовар қилмас сценарийлар ҳам амалга ошмоқда, мисол учун, Brexit, Трампнинг АҚШда ғолиб бўлиши», деб айтди «Церих Кэпитал Менеджмент» компаниясининг инвестицион таҳлил бўйича директор ўринбосари Андрей Верников.
Унинг ҳисоб-китобларига кўра, нефть нархи тушса, долларнинг курси 110-120 рублгача кўтарилиши мумкин.
«Трамвайлар кўчаларда юраверади, дўконларда ҳам нон бўлади. Бу турмуш даражаси учун фалокатли бўлади. Рублдан оммавий кетиш, инфляция авж олиши, Марказий банк ставкаси ошиши, йирик кредит ташкилотлари касодга учраши юз беради», деб нефть нархининг кескин тушишини изоҳламоқда мутахассис.
«БКС Ультима» бошқарувчи директори Виталий Багаманов нефть нархи кескин тушиб кетиши сценарийсини истесно қилиб бўлмаслигини айтди. «Бозорда таклиф меъёридан ошиқ, бу эса ОПЕК аъзоларини чоралар кўришга мажбур қилмоқда», деб изоҳ берди Багаманов.
24 ноябрда биржадаги савдолар вақтида доллар 64,36 рублдан пастроқ нархда сотилди. У ўтган савдолар ёпилишидаги нархга нисбатан 10 тийинга арзонлашган. Brent нефти учун эса 49,05 доллар берилган.
Шу куни Набиуллина нефть нархининг 25 долларгача тушиб кетиши Россия учун фалокат бўлмаслиги, бироқ рублнинг заифлашишига олиб келишини айтган. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
Ўмон султонлиги элчиси: «Урушларни ҳарбий куч билан ҳал қилиб бўлмайди»
Шавкат Мирзиёев Россия бош прокурори билан учрашув ўтказди
Диний қўмита Умра зиёратини ташкил қилиш учун 12 та турфирмага лицензия берди
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Зеленский Путин борасида баёнот берди: “Тинчликни истаганлар юзига тупурмоқда”
Путин Украинадаги объектга баллистик ракета зарбаси берилганини эълон қилди
