Nvidia акциялари $141,3 гача кўтарилди

Америкалик Nvidia компанияси акциялари Ню-Йоркдаги савдолар якунларида 4,87% га ошиб, бир донаси $141,3 га етди, деб Kursiv хабар берди. Бу ўсиш январь–март ойлари учун эълон қилинган ижобий молиявий ҳисобот ортидан юз берди.

Май ойи бошига келиб, компаниянинг умумий маҳсулот сотуви 44,1 миллиард долларга етди, бу аналитиклар кутган 43,3 миллиард доллардан анча юқори. Ойин ускуналари бўйича сотувлар ҳам кутилганидан юқори чиқди — $2,8 миллиард ўрнига $3,8 миллиард.

Компания раҳбари Женсен Хуангнинг таъкидлашича, дунё бўйлаб Nvidia’нинг сунъий интеллект (ИИ) соҳасидаги ечимларига талаб кескин ўсмоқда.

Шу билан бирга, АҚШ президенти Дональд Трамп маъмуриятининг чекловлари туфайли Nvidia Хитой бозорида фаолиятини деярли тўхтатган. Хусусан, процессор ва дата-марказларни етказиб бериш тақиқланган. Бу сабаб компания 4,5 миллиард долларлик активни йўқотишга мажбур бўлган.

Emarketer таҳлилчиси Жейкоб Борн таъкидлашича, Nvidia глобал етакчиликни сақлаб қолиш учун геосиёсий, рақобат ва иқтисодий муаммоларни енгиб ўтиши керак.

Тошкент вақти билан 11:30 да компания акциялари 0,51% га пасайиб, $134,8 ни ташкил этди.

«Замин»ни Telegram’да ўқинг!