Америка график процессорлар ишлаб чиқарувчиси NVIDIA тарихда илк бор ўз капитализациясини $4 трлндан оширди, деб RBC.ru хабар берди.
Бу кўрсаткич билан NVIDIA дунёдаги энг қиммат жамоат компаниясига айланди. TradingView маълумотларига кўра, компания бозор қиймати бўйича биринчи ўринни эгаллади.
NASDAQ биржасида 9 июль куни соат 16:48 да NVIDIA (NVDA) акциялари 2,76% га ошиб, $164,41 га етди ва натижада умумий капитализация $4,02 трлнга етди.
Reuters агентлигининг ёзишича, компания акцияларига талаб сунъий интеллект технологияларига бўлган қизиқиш фонида кескин ошган. Акциялар апрелдаги энг паст кўрсаткичлардан бери 74% га ошган.
Бундан ташқари, АҚШ президенти Дональд Трамп томонидан импорт божлари жорий этилгани ҳақидаги янгиликлар бозорни ларзага солган бўлса-да, кейинги пайтларда АҚШ ва савдо ҳамкорлари ўртасида келишувлар бўйича ижобий кутилмалар акциялар нархи ошишига хизмат қилмоқда. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
