Августда олтиннинг сотув нархи қанчага ошгани маълум бўлди

Ўзбекистон Республикаси Марказий банки томонидан эълон қилинган олтин қуймаларнинг кунлик сотув нархлари бўйича ойлик таҳлилга кўра, 2025-йил август ойи давомида бир грамм олтин нархи умумий ҳисобда 33000 сўмга қимматлашди. Бу эса энг кичик 5 граммлик олтин қуйманинг нархи 165000 сўмга қимматлашганини кўрсатади.

Мутахассисларининг фикрича, глобал геосиёсий вазиятлар, халқаро молия бозорларидаги ўзгаришлар ва валюта курсларининг тебраниши Ўзбекистон олтин нархларига ҳам бевосита таъсир кўрсатмоқда. Шунингдек, аҳолининг инвестицион мақсадларда олтин қуймаларини харид қилишга бўлган қизиқиши нархларга қўшимча босим сифатида таъсир қилмоқда.

Oqiljon Muhammad

«ЗАМИН.УЗ» муҳаррири