Ўзбекистонда битирувчиларни иш билан таъминлашни қўллаб-қувватлаш бўйича янги дастур ишга туширилди. Эндиликда тадбиркорлар олий таълим муассасалари битирувчиларини ишга қабул қилган ҳолда имтиёзли кредит олиш имкониятига эга бўладилар.
Бу ҳақда президент Шавкат Мирзиёев қарорида тегишли ўзгартишлар киритилган. Компаниялар 7 йил муддатга, 2 йил имтиёзли давр билан, 5 миллиард сўмгача кредит олиш учун мурожаат қилишлари мумкин.
Ҳар бир олинган миллиард сўм эвазига тадбиркор бир нафар ёш мутахассисни иш билан таъминлаш мажбуриятини олади. Кредитнинг фоиз ставкаси Марказий банкнинг асосий ставкасида 4 фоиз пунктдан ошмаслиги белгиланган.
Маблағлар асосий воситаларни харид қилиш ёки айланма маблағларни тўлдиришга йўналтирилиши мумкин. Дастур доирасида ҳимоя механизмлари ҳам жорий этилган: агар иш берувчи битирувчини икки йил ичида ишдан бўшатса, кредит ставкаси тижорат ставкасигача ошиб боради.
Бундан қочиш учун бир ой ичида бошқа битирувчини ишга қабул қилиш талаб қилинади. Бундан ташқари, битирувчилар учун стартап лойиҳалар танлови ўтказилади.
Ғолибларга ўз ғояларини амалга ошириш учун 1 миллиард сўмгача грантлар ажратилади. Бунда улар камида икки нафар бошқа ёш мутахассисни иш билан таъминлашлари шарт бўлади.
