Президент Шавкат Мирзиёевнинг таъкидлашича, мамлакатнинг ҳозирги салоҳияти, амалга оширилаётган ислоҳотлар, тадбиркорларнинг фаоллиги ва хорижий ҳамкорликнинг кенгайиши ҳисобига Ўзбекистон 2026-йилга келиб ялпи ички маҳсулот ҳажмини 160 миллиард долларга етказиши мумкин. Бу ҳақда Podrobno.uz хабар беради.
"Кўриб турибсизки, мавжуд ресурс ва имкониятлардан самарали фойдаланилса, мамлакатимиз катта ютуқларга эриша олади", — деди давлат раҳбари. Президентнинг қайд этишича, замонавий глобал иқтисодиётда рақобатбардошликни таъминлашда малакали мутахассислар ва илғор технологиялар ҳал қилувчи аҳамиятга эга.
Шунингдек, юқори қўшилган қийматга эга соҳаларни ривожлантириш, юқори даромадли хизматлар сонини кўпайтириш, биоинжиниринг, илғор агротехник ва сувни тежовчи усулларни фаол қўллаш, "яшил" энергетика ва чиқиндисиз ишлаб чиқаришни жорий этиш, шунингдек, таълим ва соғлиқни сақлаш соҳаларига илғор хорижий тажрибани интеграция қилиш иқтисодиётнинг барқарор ўсиши учун мустаҳкам асос яратади. "Агар биз кадрларни илм-фан ва инновацияларга асосланган замонавий касбларга тайёрласак, яқин беш йил ичида иқтисодиёт ҳажмини 240 миллиард долларга етказиш учун барча имкониятлар мавжуд", — дея қўшимча қилди президент.
Меҳмон гуруҳидаги фойдаланувчилар ушбу мақолага изоҳ қолдира олмайди.
